Sumalubong sa pagbaba ni Angelo sa sinakyang bus ang mausok na hangin ng Maynila at mga taong nakapaligid sa bus terminal.
Napatingin-tingin siya sa paligid. Ngumiti siya ng maliit dahil sa wakas, nakarating na siya ng Maynila. Ito ang unang beses na nakarating siya rito.
“Bagong lugar, bagong buhay,” aniya sa kanyang sarili at napabuntong-hininga nang malalim.
Dito niya napagpasyahan na sa Maynila pumunta dahil unang-una, gusto niyang magbagong buhay at pangalawa, nandito sa lugar na ito ang sadya niya talaga. Dito niya sa lugar na ito ihahanda ang sarili para sa muli nilang paghaharap.
Inayos niya ang pagkakabitbit sa kanyang bag. Pati na rin ang eyeglass niya sa mata. May kalabuan na rin ang kanyang mga mata kaya siya nagsuot nito. Hindi naman sobrang labo na kailangan lagi niyang s
