البنات في الجيش دفعه ٣

الجزء الرابع .عقاب وليد ومهمه جديده لمستكه

الفصل الرابع عقاب وليد

بعد ما البنات روحوا علي عنابرهم كانوا خايفين جدا و مرعوبين من رد فعل القائد وليد علي فشلهم في المهمه واتكلمت نجلاء. بجد انا خايفه اوي تفتكروا ممكن يعمل فينا ايه

مستكه.لا ده اقل حاجه عنده يا بنتي ممكن ترقدك اسبوع في المستشفي ده زي البغل ما شاء الله ?ممكن يرمينا في جزيره مهجورة ويولع فينا أو يسيب كلاب علينا

نانسي.انتي اكيد بتهزري انتي بتتكلمي بجد يا مستكه ليه يعني هي الدنيا سايبه ولا ايه

كوكي.انتم علي فكره مدايقين نفسكم وخايفين ع الفاضي تعالوا نتسلي احكي لكم حكايه جامده جدا لغايه ما سبع البرومبه يجي ??

نانسي. يا روقانك يا كوكي .طيب احكي يا ستي

(كان ياما كان كان فيه زمان بغل كبير نابه طويل??اسمه وليد ابو كف حديد )

نانسي.همووووت يخربيتك

كوكي.استني هكملك?فصلتيني.لا بجد عجبك لكم حدوته الثوره الذكي??

نجلاء.طيب ايه رايكم هحكي لكم حكايه دراما ع الاخر خالص ???

نانسي. احكي باين له مرار طافح

نجلاء. كان فيه بنت اسمها مي البنت ديه كانت يا عيني وحيده ابوها وامها وكانت امها بتعاملها وحش .وكانت البنت حزينه جدا عندها اضطراب نفسي. ودايما بتعيط وكانت بتروح الكليه والكل كلن بيتنمر عليها وحبت واحد بس كان حب من طرف واحد وكان نفسها تصارحه بس كانت خايفه من رد فعله)

وفجاه لقت نجلاء قلم علي افاها???

القائد وليد .ايه رايك من رد الفعل

نجلاء. انت اتجننت انا مسمحلكش تعمل كده انا هشتكيك .

القائد وليد .بس يا ماما انتوا عباره عن شويه فشله اوعوا تكونوا فاكرين اني كنت متوقع نجاحكم في المهمه ديه .بالع** انا كنت هستغرب جدا لو نجحتم انتم اصلا جايين عشان هدف معين في دماغكم

كوكي.انت ليه ظالمنا يا باشا وبعدين ما هو بنات الدفعه اللي فاتت طلعوا بشويه موزز ليه مديقها علينا كده.فكها شويه

وليد. تمام يا بنات انا قررت كل واحده منكم هتطلع مهمه فرديه أول واحده هتبقي الغاليه مستكه

وكلمت مستكه نفسها(ابو تقل دم امك)

جاهزه يا باشا وحاضره اي وقت ويا تري المهمه ايه

القائد وليد .شيبسي وكراتيه?

مستكه .طب ايه اضحك يعني

القائد وليد. اضحكي دلوقتي لاني عارف انك هتتكدري كمان شويه .المهمه يا ستي هي استدراج تاجر م**رات في الجبل لغايه ما نمسكه وعايزينه حي مش ميت

مستكه. اه احلي حاجه الطازه يا باشا .وعايز جمبه سلطه ولا طحينه?

القائد وليد .وحياه امك ?

مستكه.ما هو انت شخص غريب انت عايزني اروح فطيس يا باشا .عايزني امسك تاجر م**رات

القائد وليد .والله يا انسه ديه المهمه اللي لازم تنفذيها .واه عايز اقولك حاجه فشل المهمه ديه هيخليني ازود في مده تدريبك ٤٥ يوم

مستكه.والله ده تعجيز بقا.ماشي يا وليد باشا اشرح لي المهمه

القائد وليد. اسبقيني ع المكتب وانا هاجي اشرح لك وباقي البنات التدريبات مع القائد طارق لغايه ما يجي دوركم

(راحت مستكه علي مكتب القائد وليد وبدا يقولها بيانات المهمه )

القائد وليد.اول حاجه ديه شهاده تكريم مننا ب اسمك في حاله انك غسلتي واتوفيتي لا قدر الله

مستكه. احييييه يا ابو سوسو احيه. انت محضر لي شهاده تكريم بعد موتي

القائد وليد. يا بنتي مش تتاكدي ان احنا مش بنضيع تعب حد وبنعترف بيه

مستكه.لا كتر خيرك وربنا يا باشا كتر خيرك

القائد وليد. العفو يا انسه.خدي بيانات المهمه الراجل اسمه مازن عنده ٣٣ سنه خريج اقتصاد وعلوم سياسيه لم يسبق له الزواج.بيحب الكوره ومشاهده الافلام الاجنبيه خصوصا الرومانسيه

مستكه.احلف احلف يا كابتن وليد. ده مش تاجر م**رات ده فارس احلامي .ابعتي بسرعه عليه?هو رقم تليفونه كام وساكن في اي كمبوند?القائد وليد.تم القبض عليه في عمليه تهريب سلاح بعد اشتباكات دامت اكتر من ١٢ ساعه وبسببها مات اكتر من ١٢ جندي من عندنا

مستكه.الحمد لله قدر ولطف بركه انه بخير ?

القائد وليد.بيكره الستات كره العمي وتم اغتصاب ٣ بنات ورمي جثثهم من فوق كوبري قصر النيل

مستكه. الراجل عنده خيال كده .مش راجل تقليدي.اموت في الراجل الغامض

القائد وليد. آخر مره قولتي الكلمه ديه رقدتي اسبوع في المستشفي قولت لك بلاش تستعجلي موتك?

مستكه.وليد باشا وديني عند مازن

القائد وليد .ليه ليله دخلتكم النهارده ?

مستكه .عيب يا كابتن .اشرح لي ايه اللي المفروض اعمله وانا معاك

(بدا القائد وليد يشرح لها كل تفاصيل العمليه وطلب منها تقرب منه لغايه ما يطمن لها وتقدر تنقل كل البيانات بتاعه تليفونه وتزرع جهاز تصنت في شقته وجهاز تتبع في هدومه ع

شان يقدروا يقبضوا عليه )وبدات المهمه

في شقه جامده جدا في المعادي كام بيسكن مازن .وراحت مستكه لبست لبس س**ي جدا وخبطت عليه وفتح مازن وكان لابس تيشرت النادي الأهلي أول ما شافته مستكه

مازن.أيوه يا افندم حضرتك بتدوري علي حاجه بتسألي علي حاجه

مستكه.موووو صلاح موووو صلاح?

مازن.نعم يا انسه .مش فاهم

مستكه.معلش انا اسفه بس كل اما اشوف نشرت النادي الأهلي بتوه انت متعرفش انا بحبه اد ايه

مازن.طبعا الأهلي نادي القرن.طيب اقدر اساعدك ب ايه

مستكه.بصراحه قالولي في شقه فاضيه في البنايه ديه بس قولت لازم اشوف الجيران ما انت عارف يا استاذ الجار قبل الدار❤

مازن. حضرتك متجوزه يا انسه.

مستكه.اهو هو ده الكلام. لا مش متجوزه بس معقول اعجبت بيا من أول نظره كده

مازن.لا حضرتك عشان الشقق اللي هنا يا عائلات يا رجاله.مش بيسكنوا انسات

مستكه.احيييه ع ال**فه .طيب انا ماشيه

مازن.طيب اتفضلي اشربي حاجه وامشي

مستكه اوكيه

(دخلت مستكه وكانت مرعوبه)

مازن. متخافيش. اتعبريني زي اخوكي

مستكه.مش خايفه. انت اسمك ايه

مازن .اسمي مازن مهندس كهرباء وعندي ٣٣ سنه ومش متجوز

مستكه.الجو حر خالص معندكش تكييف

مازن .ممكن تقلعي البليزر .لو حرانه وهشغل لك التكييف.انا قايم اعملك القهوه

(دخل مازن المطبخ يحضر القهوه وحطت جهاز التسنط في الكنبه من تحت)

طلع مازن .قهوتك ايه يا انسه

مستكه.مظبوط يا مازن

(ودخلت وراه المطبخ )

مازن اتخض

مستكه. انا جبيت اساعدك

( ووقفت تبص في عينه واتسحرت بجماله وهو كمان فضل متنح لها واتسحر بجمالها)

وقرب منها ومسك ايدها وخدها علي اوضه النوم وهي كانت محضوضه

مازن. متخافيش يا مستكه

مستكه.انت عرفت اسمي منين

مازن.يا ع**طه انت فاكره ان ممكن القائد وليد يعرضكم لناس تجار سلاح وم**رات .انا تبع القائد وليد

مستكه. طيب وليه كشفت لي نفسك

مازن.مش عارف بس انا عايزك تعملي المهمه ديه وتنجحي فيها وبعدها نتقابل وده رقم تليفوني

مستكه. شكرا جدا يا مازن .(وفضلوا باصين لبعض متنحين)

مستكه انا همشي وهحط كل حاجه الاول وبكره نتكلم

مازن . تمام خلي بالك من نفسك

مستكه. اوكيه باي

نزلت مستكه وقلبها هيتخلع من مكانه.ايه ده اللي بيحصل لي. ده حلو اوي اوي

وروحت ع مكتب القائد وليد

مستكه.انا خلصت المهمه بنجاح من أول مره يا باشا .انا جامده ع الآخر

القائد وليد .انا مستغرب جدا بجد. عموما ديه شهاده تكريم ومبلغ مالي وتم اعفاءك من باقي مده التدريب انتي براءه

مستكه. لولولولولوي. الحمد والشكر لله جيالك يا مازن جيالك يا موز السنين?

(نجحت مستكه ورجعت علي بيت اهلها يا تري ايه اللي مستني باقي البنات ده اللي هنعرفه الجزء الجديد) استنوني في الجزء الخامس