BUMUNTONG hininga ako at nagpangalumbaba. Hindi ko alam kung pang-ilang buntong hininga ko na iyon ngayong araw.
Tumingin ako sa labas ng coffee shop dahilan para makita ko ang mahinang pag-ulan. Dumadagdag sa malamig na panahon ang nararamdaman ko.
Nang magsawa sa katitingin doon, naglipat na lang ako ng atensiyon sa loob ng coffee shop. Nang walang makitang interesanteng bagay ay dumapo ang tingin ko sa entrance ng shop.
Kusa na lang lumungkot ang mukha ko nang may maalala. Napabuntong hininga ako at ipinilig ang ulo para mawala ito sa isipan.
Tuluyan nang napunta sa ibang bagay ang atensiyon ko nang mapansin ang pag-iingay ng phone kong nakalapag sa ibabaw ng lamesa. Mabilis ko itong dinampot nang mabasa ang pangalan ni Ate Chloe.
"Are you busy?" Iyon ang bungad niya nang sagutin k
