"HAPPY new year, Ma'am Belle."
Malapad akong ngumiti sa mga empleyado ko. Ang aga-aga ay ang mga bati agad nila ang sumalubong sa akin dahilan para mas lalong gumanda ang umaga ko.
"Happy new year din sa inyong lahat. Kumusta ang holiday nyo?"
Sa naging tanong ko ay nagtuloy-tuloy ang usapan namin. Halos lahat sila ay ibinahagi sa akin ang naging selebrasyon nila sa nagdaang Christmas at Bagong Taon.
Nang matapos sa kuwentuhan ay roon pa lang sila nagsimulang magtrabaho. Ako naman ay nagpaalam na magtutungo muna sa opisina ko.
Dahil nagbagong taon, ngayong araw pa lang ulit magbubukas ang coffee shop. Hindi kasi ako nagbukas nang mga araw na 'yon dahil alam kong ang lahat ng empleyado ko ay nais na makasama ang pamilya nila para sama-samang i-celebrate ang Christmas at New Year. At pa
