الفصل الرابع

3162 Words

ليجلس ايهاب داخل سيارته وهو مازال يفكر فيما قلبت كيانه ولا ينتبه لحديث سائقه عم سيد وهو يتابعه قائلا، -معلش في السؤال يا استاذ ايهاب، هو حضرتك فعلا هتشغل المجنونة دي؟ إيهاب يبتسم علي تسميتها بالمجنونة، لانها حقا كذلك فيجاوبه.. -ايوة ياعم سيد هشغلها لسببين، اولهم اني فعلا محتاجها زي ما قالت، نور شاطرة جدا ومعروفه وانا بسمع عنها من فترة بس للاسف مكنتش عارف شكلها، ثانيا بقي والاهم بصراحة عجبني روح التحدي والثقه في كلامها، وانت عارفني محبش حد يتحداني، وهنشوف مين اللي ه**ب فينا، بس انت متنساش بكره تصحيني بدري شوية قبل العصر عشان اكون فايق للمقابله عم سيد : حاضر يافندم ثم يحدث نفسه مردد،، -ربنا يسترها عليكي يابنتي وقعت في ايد اللي مش بيرحم ويصل بعد دقائق الي مقر موطنه ليصعد الي غرفته ليتناول حمامه ليتخلص من اثار التفكير في نور وينعش جسده، ثم يتوجه الي سريره لينام في سبات عميق، تاركا وراءه اي شيء لغدا يجلس د هادي في مكتبه منهمجا في تفريغ حديثه مع نور،، ليستمع بمن يطرق باب غرفتة يطلب الاستئذان للدخول، فيسمح له، ليجده عامل البوفيه باسم، ليخبره بان مدير المشفي يريد مقابلته، ثم غادر بهدوء، فيترك هادي ما كان يقوم به وينهض للذهاب اليه فيجد سكرتيرته نسمه "وهي اسم علي مسمي فهي نسمه فعلا تتمتع بهدوء غير طبيعي، وهادية الطباع" فيحادثها.. - صباح الخير نسمه بفرحه ترد بكل رقه: صباح النور يا دكتور هادي. هادي بجديه يقول : دكتور منير طلبني، ممكن تديله خبر نسمه بنظرة حب ترد : حضرته في انتظارك يادكتور، اتفضل دلف اليه وكان يجلس علي مقعده امام مكتبه، يتابع بعض التقارير الطبيه، فقدم له التحيه واجلسه امامه علي المقعد وردد،، د منير : اتفضل يا د هادي هادي مبتسما يرد بنبره جديه يقول،،، اشكرك يادكتور دمنير ينظر له ويقول متسائلا،،، اية اخر اخبار المريضة نور، انت عارف امرها يهمني شخصيا، دي متوصي عليها جدا هادي علي وجه الجديه يقول،،، - انا كل المرضي عندي مهميين، وبهتم بيهم كلهم، بس منكرش ان نور لها معزة خاصة عندي د منير ينظر اليه موضحا حديثه، فيقول،، - انا عارف يا دكتور بس انت مش متخيل المكالمات اللي بتجيلي عشانها اد ايه، عشان كده انا أمرت انك تسيب كل الحالات وتتفرغ ليها بس، والباقي تتابع من بعيد مع باقي الدكاتره هادي ببتسامه علي وجه يرد قائلا،، - انا مقدر يا دكتور، وهي الحمدلله بتتحسن كتير جدا عن الاول وفي تقدم ملحوظ، وانا كنت اوشكت اني اخلص اخر تسجيل بينا وافرغه وكنت هعرضه علي سيادتك اخر اليوم، بعد جلسه اليوم منير أومأ براسه بالموافقه علي حديثه ويقول،،،، - تمام ربنا يعينك ويوفقك، انت هتبدا امتي الجلسه؟ هادي ينظر لساعته : بعد ربع ساعة هبلغها واجهز ونبدا منير يهز راسه بحركات بطيئه، ثم يردد،،، كويس خلص الجلسه وفرغها، وياريت اخد التقرير قبل ما امشي اطلع عليه هادي ينهض من مجلسه ويقول،،، حاضر يافندم بعد اذن سيادتك وينصرف هادي بهدوء ويغلق خلفه الباب ليجد نسمه مشغوله في عملها، فيدق قلبه دقه زياده لا يعرف من اين مص*رها،فهو لا ينكر اعجابه بها بعد ان نسي من سنين هذه الدقات منذ وفاة زوجته وتركته، ثم بعدها ابنته، فظل سنين وحيد، فهل آن الاوان ان يبدأ من جديد، ام فات... فليعود وعيه ويلقي السلام علي نسمه التي تبتسم له بوجهها المشرق له لتقول،،، - مع الف السلامه يادكتور نورت هادي يبتسم لها يقول : مع السلامه يانسمه، هرجع تاني قبل موعد الانصراف عشان اقدم ملف حاله سلام نسمه بفرحه ترد،، - مع السلامه في انتظارك يا دكتور ينصرف هادي، ويترك نسمه سارحه في عيون هادي وتردد في نفسها... امتي هيحس بيا بس ياربي، اعمل ايه عشان الفت نظره ليا بس.... ااااه يارب يحبني زي ما بحبه،، لو ليا خير يسره ليا يارب،،،، تفوق علي صوت مديرها يحدثها مطالبا منها بعض الملفات العامه، دلفت اليه الملفات وانصرف لتكمل ما بدات به يتجه هادي الي غرفته نور طالبا الدخول، فتسمح له هادي : ازيك النهارده نور وعلي وجهها ابتسامه مشرقه، بخير جاهز بكل حاجه، جلسه النهاردة مليانه احداث هادي مبتسما يقول،،، - جاهز ومعايا شرايط بزياده، عشان منوقفش زي إمبارح، تحبي نخرج في الحديقة ولا نتكلم هنا نور تنظر لغرفتها ثم تقول،، -افضل خليها هنا النهاردة، حاسه اني عايزة احكي وانا مرتاحه في حاله استرخاء، لان النهاردة بدايه رحله عذابي، وحبي، وشقائي هادي يطبق حاجبيه، ويرد بضيق،،، - ليه كده هتبدأها حزن نور بحزن، تردد،،، مش اوي يعني هادي متسائلا،،، وقفنا فين إمبارح؟ نور : وقفنا لحد ما بابا اقنع ماما اني اروح عند إيهاب، واقضي معاه ٣ شهور اللي اتفقنا عليهم هادي باهتمام يرد : تمام وايه بقي اللي حصل... كملي "فلاش باك " نور : تركت بابا وانا متاكده انه هيقنع ماما و مش هتاخد في ايده غلوه، ودخلت احضر شنطتي، واخدت كل حاجه هتكفيني الفترة دي، واخدت شور ونمت وانا بفكر في مصيري المجهول هيكون ايه، وايه اللي منتظرني، وازاي هحاول أقنعه بيا وبشخصيتي، ويحس بعشقي له، ونمت في غفوة و مع اشراق يوم جديد، مملوء بالأمل والتفاءل علي البعض، وبالقلق علي البعض الاخر، تستيقظ نور من نومها، في نشاط وخفه مستعده لبدا اصعب امتحان لها، مبتدئه بأخذ حمامها لتنعش جسدها، ثم اداء فرضها، داعيه الله ان يوفقها ويقرب لها حلمها، وتحقق ما حلمت به منذ صغرها، ثم جهزت وارتدت أجمل الثياب، لتبدو كالبدر في تمامه، فتلدف الي والديها، مقبله ايهما قبله حانيه وعلي وجهها ابتسامه مشرقه... ونور بفرحه : صباح الفل والورد والياسمين علي احلي عصفورين كانريا في حياتي زين ينظر لها بحب وسعاده ثم يقول،،، - يا سيدي ياسيدي ايه الروقان ده يا ست نور سميه بنبرة ضيق تقول،،، - طبعا لازم تبقي رايقه وفايقه كمان، مش هتنفذ اللي هي عايزاه، وتض*ب برأينا عرض الحائط زين ينظر الي زوجته و يقول،،، - وبعدين يا سميه احنا قولنا ايه إمبارح، سيبي البنت تتحمل نتيجه قرارها، وتجرب بنفسها عشان تعرف هي كانت علي حق ولا غلطانه، بس يارب مترجعش تندم، وتقول ياريت اللي جري ما كان سميه بقلق ترد عليه متردده،،، - يا زين انا قلبي مش مطمن والله وخايفه اووي عليها، خايفه تندم، وساعتها انت اللي هتلوم نفسك قبلها نور تقترب تليها وتحضن يدها ثم تقول،، - ياماما متخافيش علي بنتك انا بميت راجل، وكمان زي ما بابا ما قال سبيني اجرب، ومش هخسر حاجه سمية بضيق تقول،،، - هتخسري ياقلبي، ممكن تخسري قلبك، وساعتها، هيبقي جرح القلب مش بساهل،وجرح القلوب غالي اوي وصعب تداويه زين بزعل من حديثها يقول،، - يا ساتر علي كلامك ياسميه، ده بالذمة كلام بدل ما تدعيلها، تفولي عليها وتقولي كده.... بشر ولا تنفر ياسميه سميه بجديه تقول،،، - انا واقعيه يا زين، وربنا يخيب ظني، ويوفقها وتحقق اللي بتتمناه يارب نور برجاء : يارب ياماما.. دعواتك ياست الكل هي اللي هتحفظني وتنور طريقي زين مبتسم لها ويقول،،،، - دعواتها هي بس ماشي يانور نور تقفز في حضن والدها وتطبع قبله حانيه علي جبينه وتقبل يداه في حب واحترام وتقدير لتهتف قائله،، نور بضحكه،،، - معقول تقول كده يازيزو ده انت الخير والبركه يابركتنا ياحجوج انت زين مبتسم لها في حب، ثم يقول،، - بركه وحجوج، ماشي يانور كلي بعقلي حلاوه يابنت عمري سمية بحنان وحب تقول،،، - مش هوصيكي يانور، خلي بالك من نفسك ياحببتي، حسيتي باي غدر منه سيبي الدنيا كلها وارجعي في حضننا ياحببتي، احنا ملناش غيرك، انتي كل حاجه حلوه في حياتنا، عشان خاطري يا نور ياحببتي اتفقنا نور : متقلقيش عليا ياماما، باذن الله ربنا بدعواتكم هيقف جنبي ويحقق مرادي،، انتي ايه بقي هتضيعي الوقت ومش هتفطريني، انا جعانه اووي ولسه فاضلي شويه حاجات هشتريها اقبل ما اروح الشغل سميه ببتسامه تقول : حالا الاكل هيكون علي السفرة هو جاهز حببتي ويتناولون الفطور وال**ت هو السائد، كل منهم ينظر للاخر وعلامات الخوف من المجهول تطرح تساؤلات وليس لها اي اجابات تذكر، فتقطع نور هذا ال**ت مردده.. -الحمدلله انا خلصت فطار هروح اجيب شنطتي من جوه واستعد للنزول سميه علي وجهها القلق تقول،، - ياحببتي الوقت لسه بدري، خلصي فطار الدنيا لسه مطارتش نور باعتراض ترد قائله،، - ياماما ما انا قولتلك هشتري حاجات ليا ومش عايزة اتاخر علي معادي، انتي عارفاني دقيقه اوي في مواعيدي سمية بنبرة استسلام ترد عليها،، - طيب اللي تشوفيه يابنتي ربنا معاكي، تبقي تتصلي بيا كل يوم نور بحب تقول،،، - حاضر يا ماما، كل يوم هطمنك عليا، وانتي لو في اي حاجه كلميني علي طول وتتركها لتاخذ شطنة السفر المجهزة، مستودعه اسرتها الصغيرة، وبداخلها احساس غريب لا تعرف مص*ره، لكنها تدعو الله ان يحفظها، ثم تتجه الي سيارتها لتستقلها وتدلف الي شراء ما تحتاجه من مشتروات، ثم تتوجه في معادها الي فيلا عيشقها المتيم، لتبدأ معه اول أحرف في حكايتهم، وصلت نور امام فيلا ايهاب، لتنبهر من روعه وجمال ت**يمها، فهي اشبه بالجنه التي تمنت دخولها، فقد رات اكتر من ت**يم لفيلات كتيره، لكنها لم تري مثلها من قبل، هل لانها ملك لحبيبها الذي يسكنها ام لانها فعلا ذوقها عالي، لكنها لا تعرف، فتقدمت بضعه خطوات، لتقابل الحارس الامني لتخبره بموعدها معه، فيطلب منها الانتظار ليحدثه هاتفيا بقدوم الزائره، فيأمره بتوصيلها بالداخل مرددا... -اهلا يافندم، اتفضلي معايا حضرتك، الشنط هبعتها لسيادتك جوه، استاذ ايهاب في انتظار حضرتك نور تنظر له وتبتسم ابتسامه رقيقه ثم تقول،،، اشكرك سارت معه حتي وصلت بالداخل، وكان ايهاب جالسا مرتدي ملابسه المنزليه، تيشرت رياضي وبنطلون قمه في الشياكه، فنظرت له نظره اعجاب فهي لاول مرة تراه بهذا الشكل المبهر، فأسر وجه بابتسامه فلقد لاحظ نظرتها، فخجلت وتوردت وجنتيها احمرارا وخجلا، ونظرت اسفلها، فرحب بها قائلا.. - اهلا يا نور.. نورتي بيتي المتواضع نور بابتسامه : اهلا بحضرتك، البيت منور بيك ايهاب ينادي علي مديرة المنزل لتاخذ شنطة نور وتصعد بها الي غرفتها، - ممكن تتفضلي مع سالي وهتعرفك غرفتك، وكل حاجه في الفيلا، عشان تكون علي درايه بيها،وبعد كده ترتاحي شوية ونتقابل علي الغداء، ونكمل حديثنا في الشغل نور تنظر له وترد بجدبه مردده ،،، تمام هفضي الشنط وهنزل عشان نبدا شغل، معرفة الفيلا دي حاجه بسيطه ممكن مع الوقت هتعود عليها، واعرف كل حاجة، بس انا مش عايزة اضيع وقتي ووقتك، ساعة بالكتير وهكون في خدمتك، بعد اذنك تركته وصعدت مع سالي من غير ما تنتظر منه اي رد، ليقف مذهول من رد فعلها، وشخصيتها التي تتحول في لحظة، ها هي كانت منذ بضعة دقائق حالمه وناظره اليه بكل اعجاب، وفجأة تتحول الي شخصية جاده تفكر في العمل، وتقدر الوقت،،، ياتري ايه حكايتك معايا يانور. نور تفرغ محتويات شطنتها في الدولاب الخاص بها شاكرة سالي علي مساعدتها، لتدلف الي الحمام لاخذ حمام دافئ، ثم تنتهي وتخرج وترتدي فستانا بحمالات، ورديا بلون الزهور المبهجه، رافعه شعرها البني، وواضعه بعض لمسات من التجميل، فهي جميله حقا، لكن ارادت ان تبرز جمال عيونها العسليه المائله للون الاخضر، فزاد من سحرها، ثم وضعت برفانها الذي يطير ويسلب العقل، ودلفت اليه ودقات قلبها تكاد انها تصل اليه ، فلم تجده وسالت عليه، وتوجهت له في غرفه المكتب، واستأذنت بالدخول وهاتفته متحدثه.. - انا جاهزة، تحب نبدا ايهاب ينظر اليها من اول وهله وعقله سلب منه، كانه لم يري اي فتيات من قبل وهي الاولي والاخيرة في هذا الكون، ليفوق علي صياحها نور بصوت عالي نسبيا،،، - ايهاب انا بكلمك انت سرحان في ايه.؟ ايهاب بتردد : لا ابدا مفيش يانور، انا معاكي اهو، كنتي بتقولي ايه؟ نور بفرحه محاوله اخفاءها : كنت بقولك تحب نبدا شغل دلوقتي ايهاب ينظر لسحر عيونها ويقول،،، - اوك مفيش مانع، بصي ياستي انا جهزتلك الملف ده فيه كل المتعهدين اللي بشتغل معاهم، وكل الارقام، وكمان مواعيد الحفلات اللي مفروض اقدمها الفترة دي نور تأخذ منه الملف وتتلامس الايدي ببعضهما لاول مرة، فيحدث شرارة تشتعل وتدق اجراس الخطر، ثم تتلاقي الأعين في نظرة طويلة، ليقطعها دخول سالي معلنه عن تجهيز الغذاء، فيرد عليها وهو يجز علي اسنانه.. - تمام يالا يانور نتغدي ونكمل انا النهاردة فاضي مخصوص عشان نظبط الشغل مع بعض نور تزفر نفسا عاليا ثم تتن*د مردده،،، حاضر اتفضل وانا جاية وراك جلست نور تسترجع قوتها مرة اخري، وتحاول ان تكون قويه، فهي تعلم ان إيهاب يحب المرأه القويه وليس الضعيفة، وهاهي عزمت ان تدلف اليه، لتجده علي منصة السفرة، داعيا لها الجلوس بجانبه، فاذا بها تلاحظ انه يحب الطعام حارا، ف*ندفع بغضب وحده تنظر اليه مردده،،، - مينفعش تاكل الاكل حراق كده تاني، لانه اكبر غلط علي احبالك الصوتيه، ممنوع نهائي الفلفل الحار، واي شطه، علي الاكل إيهاب بضيق يرد،،، - انتي ازاي تاخدي الشطة من ايدي كده؟ انا مش بعرف اكل غير لما يكون حار نور بنبرة اقل حديه ترد عليه مردده،، - احنا في بينا اتفاق اعتقد وانت قبلت، كل حاجة تخصك ليا دخل فيها، حصل ولا محصلش؟ ايهاب بضيق؛ حصل بس انا بحب الاكل حراق يانور نور بحنيه ونعومه شديده،،، - غلط يا ايهاب صدقني، انا خايفه عليك، حاول عشان مصلحتك، بالمحاوله صدقني هتتعود، وكمان النهاردة بس مسموح بالاكل ده، من بكره في نظام تاني خالص، استحملني هما ٣ شهور بس ايهاب يقول بصوت غير مسموع لاحد، لكنه وصل لها - ويا عالم يمكن علي طول فتبتسم وتساله،، - بتقول حاجة يا إيهاب ايهاب مبتسما لها،،،، - انا لا ابدا مش بقول، يالا عشان نكمل اكل وتناولوا طعام الغداء في **ت، في حين يختلس نظرة ثم يحاول ان يخفيها فيفشل، حتي انتهوا، وتوجهوا الي غرفه المكتب ليتموا ما بدا اعمال، غير منتبهين للوقت الذي سرقهم، لينتبه إيهاب للوقت فيقول،،،، - ياااه معقول احنا اشتغلنا كل ده، الوقت اتاخر، الساعة داخله على ٩ مساء، انا محستش فعلا بالوقت معاكي يانور نور تنظر نظرة حب ثم تقول،،،، - بجد الوقت مر بسرعه فعلا، بس كده انا تمام من بكره الصبح باذن الله كل حاجه هتبقي تمام، ومواعيدك انا سجلتها، اول معاد الساعة ٥ في استديو روتانا لتسجيل الاغنيه الجديده، هتصحي بكره بدري عشان تفطر كويس، وهحضرلك اللبس اللي هتزل بيه، وتكون جاهز في المعاد، اوك ايهاب معترضا : انا مش بحب افطر نور بحديه : الكلام ده كان زمان، قبل ما انا اجي، هتفطر حاجه خفيفه، وانا اللي هحضرها كمان ايه رأيك؟ ايهاب يرد بضيق،، - لا طبعا انتي هنا مديرة اعمالي، مش الطباخه بتاعتي نور بحب وهيام تقترب منه قليلا وتقول،،، واذا قولتلك اني هبقي في منتهي السعادة لما تاكل من ايدي... انا عشت عمري كله احلم باليوم اللي اجهزلك فيه اكلك، حتي لو بسلق بيضه إيهاب ينظر الي مقلتيها فيجدهما بهم لمعه حب وشوق، ثم يرد عليها مرددا،، - معقول يانور اللي بتقوليه ده، مش ممكن في كده، انتي عايزة مني اية بس يا بنت الناس نور تقترب اكثر بعض الشئ منه وتنظر في عينيه فتجد نظره حيرة، ثم ترد عليه مردده،،، - هو ايه اللي معقول ومش ممكن، هو انا لسه عملت حاجه، انا بقول بس يا مسهل، اللي جوايا كتير اوي يا ايهاب بس مين يحس ويشعر ايهاب مبتسم لها ويقول،،، - ماشي يانور موافق هفطر، ولما نشوف اخرتها معاكي. نور مسائله،، - هتعمل ايه دلوقتي، هتخرج ولا هتسهر هنا؟ ايهاب ي**ت قليلا ثم يقول،، - زي ما تحبي، عايزة ايه؟ نور بعد تفكير تقول،،، - ايه رايك نخرج شويه نسهر، بس متاخرش عشان تنام بدري ايهاب ينظر علي بسعاده لا يعرف سببها ثم يقول لها،،، - اوك يالا اطلعي اجهزي، عقبال ما البس نور بفرحه لنظرته تقول،،،، - ثواني هطلع اختارلك لبس واجهزه، وانا مش بتاخر في لبسي خالص ايهاب معترض، ؛ مفيش داعي هطلع انا، عشان تتجز وقت، انا هلبس كاجوال مش رسمي نور تتظر له ثم ترفع سبابتها في وجه وتقول،،، - ولو سبني على حريتي تركته نور وجهزت له الملابس التي سوف يرتديها، ثم توجهت الى غرفتها لتبدل ثيابها، فختارت فستان بلون الروز في غايه من الرقه وتوجهت لاسفل لتجده في انتظارها، ليرمقها بنظرة اعجاب شديده، ثم توجهوا الي نايت ليسهروا فيه، ليتفاجأ ايهاب بوجود صديق عمره المقرب وانتيمه منذ الصغر، فارس فهمي، فيتوجه اليه، مقدما له نور إيهاب يقترب منه ثم يقول،،، - فارس ازيك حبيبي، مقولتش ليه انك هتيجي النهاردة ياجبان فارس ببتسامه علي وجه يقول،،، - والله مكنتش ناوي يا صاحبي، بس لاقيت نفسي زهقان قولت اجي شوية، مين المزة دي، وجه جديد إيهاب يض*به بقدميه : مزة مين يابني، اعرفك انسه نور زين الدين، مديرة اعمالي فارس ينظر لها بنظرة اعجاب ثم يقول،،، - اهلا يافندم حضرتك غنيه عن التعريف اسمك ماشاء الله مسمع زي الطبل، بس كنت فاكرك اكبر من كده اوي من اللي بسمعه عنك نور ببتسامه علي وجهها ترد قائله،،، - اهلا أستاذ فارس، وبتسمع عني ايه بقي فارس بضحكه،، ؛ كل خير والله، الكل بيتحاكي بشطارتك في ادارة اعمال اي مطرب او مطربه اشتغلتي معاهم نور بجديه تقول،،، - اشكرك جدا، انا بس بحب مجال شغلي جدا من زمان، والفضل يرجع لانسان واحد بس هو اللي خلاني ادخل فيه واعشقه.،،، وهنا تنظر لايهاب نظرة كلها عشق ثم تكمل... وبعدين انا بدات بدري اوي لحد ما عملت اسم، والحمدلله إيهاب محاولا الهروب من نظرتها له يقول،،، - يالا نقعد هتفضل واقفين كده طول الليل ولا ايه، اطلبلنا حاجة يابني بطل بخل فارس مبتسما له، يرد عليه متسائلا،،، - ماشي ياعم هتشرب اية حاجة معينه ولا مشروبك المفضل؟ إيهاب بجديه : مشروبي المفضل بس مش عايز كتير النهاردة، هتشربي ايه يانور؟ ليتفاجأ نور باول صدمه لها بانه يتناول شرب الخمر نور بضيق : اي عصير فريش ايهاب بنظرة سخريه يقول،،، - عصير ايه يانور اشربي معايا كاس ولا اتنين نور بضجر تنظر له نظره حديه ثم تردد،، انا مش بشرب نهائي يا إيهاب إيهاب ببرود يقول،،، - براحتك اشرب انا ومر الوقت وهو علي حالته يشرب حتي ثمل من كثره الشرب فحاول ان ينهض فلم يستطع، فحمله فارس واستقلوا السيارة ودلفوا الي الفيلا.. ثم حاولت مساعده لتصعد به الي غرفته، وبعد تعب وصلت اخيرا الي غرفته، فقامت بفتحها ووضعته علي الفراش ، وقامت بنزع حزاءه، دثرت عليه الغطاء، وتركته لكي تخرج، فتفاجئت به يمسك بمع**ها ويقول،، - رايحه فين متسبنيش يانور انا ما صدقت لاقيتك نور بدهشه : إيهاب انت مش في وعيك، مش دريان بتقول ايه إيهاب بحالة ثمل شديده يقول،،، - انا فايق جدا، وواعي لكلامي كويس، خليكي جنبي، ارجوكي، طب لحد ما انام نور بتوهان وضعف: إيهاب ارجوك ارحمني، سبني اروح انام، انا مش قادرة افضل هنا اكتر من كده ايهاب بنظرة ترجي : طب لو قولتلك عشان خاطري نور تنظر له بحب وتقول،،، خاطرك غالي اوي وانت عارف.. نام يا ايهاب وانا هفضل جنبك لحد ما تروح في النوم استمرت نور بجانبه ممسكه بيديه حتى تاكدت انه غفي في نوم عميق، فطبعت قبله رقيقه علي يده وتركته وتوجهت الي غرفتها، وهي في حاله لا ترسي لها، فحدثت نفسها قائله،،، - ايه اللي عملته في نفسي ده، اول يوم وجرالي كل ده، امال لما اكمل اسبوع ولا شهر هيحصل ايه؟ ياخوفي منك ياهوبا اااه ياقلبي، انا هدخل اخد شور واحاول اهدي كده واطلع اتصل بماما اطمن عليهم وبعدين انام. انتهت نور من أخذ حمامها وارتدت بجامتها الحريريه، وقامت بالاتصال علي والديها للاطمئنان عليهما فاجابت عليها سميه،، - الووو ازيك يانور عامله ايه ياحببتي، واخبارك ايه، وإيهاب عمل معاكي اية، اكلتي كويس، طب حد ضايقك، يابنتي انطقي طمنيني حرام عليكي نور بهدوء : ياماما اهدي شويه، انتي مش مدياني فرصه خالص ارد علي اي سؤال سميه بنبرة خوف وقلق تقول،،، - طب انا هسكت اهو ردي بقي وطمني قلبي نور بحب : انا كويسه والله صدقيني، إيهاب عاملني كويس جدا، واكلت كويس كمان، ومحدش ضايقني خالص، انتوا ازيكم وحشتوني الكام ساعة اللي سبتكم فيها، بابا موجود سميه بتنهيده ترد قائله،،، - الحمدلله انا كنت قلقانه اوي عليكي ياقلبي، ابوكي موجود اهو خدي كلميه زين بنبرة حانيه يقول،،، -نور عيني ازيك ياحببتي نور ترد بحب عليه تقول : بابا حبيبي ازيك انت عامل ايه؟ زين بتعب وقلق يقول،،، - تعبان من غيرك ياقلب بابا نور بألم : معلش ياحبيبي، سبيني اعيش التجربه، وانا كل ما الاقي وقت ممكن اجي اشوفكم اكيد هاجي زين يزفر انفاسا عاليا ثم يرد عليها مرددا،،، - ماشي ياحبيبتي، خلي بالك من نفسك نور : حاضر يابابا يالا اقولك تصبح علي خير، وهبقي اكلمكم بكره زين؛ وانتي من اهل الجنه يارب ويغلق زين معها الفون ويجلس يفكر فيما حدث، هل كان مخطا حين وافق علي ذهابها عرين الاسد، ام علي صواب؟ فهو لا يعلم وسوف يترك الايام القادمه علي اجابه هذا السؤال

Free reading for new users

Scan code to download app

App Store Google Play

Facebookexpand_more