الفصل الثالث

2941 Words

يجلس دكتور هادي في غرفته علي مكتبه ممسكا بورقة وقلم شارد الذهن ويده تعبث في الورقه بدون كتابه اي شيئا فهو في حيرة من امر هذه الفتاة التي تتلذذ عذابها، غير منتبه لمن اطرق عليه ودلف اليه ويحدثه، فيصيح صديقه دكتور معتز مناديا له بصوت مرتفع مرددا،،، يادكتور.. يا دكترره... يا اخينا.. ياااهووو هادي انتبه لصياحه، فنظر له بحده مردد،،، فيه اية يامعتز خضتني يا اخي انت لازم كده كل ما تدخل عليا تعمل ازعرينا... يا عم ارحمني، تصدق انا مفروض احجزلك غرفه واعالجك معتز يمط شفتاه للامام كالاطفال ثم ويقول،،، بقي كده اخرتها عايز تعالجني والنبي ما حد عايز يتعالج غيرك من السرحان والتوهه اللي فيها دي هادي ينظر له بضيق ويقول،،، طيب ياسيدي ممكن اعرف انت جيت ليه وعايز مني اية دلوقتي، انت قطعت حبل افكاري يامعتز معتز بمرح يضحك ويقول،،، ياعم انت هتتبلي عليها انا جيت جنب احبالك خالص ولا لمستها، مش عيب عليك يا دكتره... كل الاحبال موجودة وسليمه والله وانشر عليها زي ما انت عايز هادي ينظر له نظرة غيظ من حديثه وهزاره ليندفع نحوه ملقي عليه بعض الاقلام في وجه مردد،،، -انت مش هتكبر ابدا كل حاجة كده تاخدها هزار، طب شوف الوقت مناسب لهزارك، ولا لاء هتقبله منك، ولا حالتي لا تسمح، اكتر من مره قولتلك يا معتز لما تلاقيني سرحان بلاش الدخله دي، لو سمحت مش تكررها تاني معتز محاولا كتم ضحكاته فيقول له مبتسما،،، خلاص والله مش هعملها تاني، انا بس كنت عايز اطمن عليك من ساعة ما جيت الصبح مشفتكش خالص، فسالت عليك قالولي في مكتبه فقولت اجي اطمن بنفسي... قولي بقي كنت سرحان في ايه؟ هادي بتنهيده عاليه ثم يقول،،، في ايه غير نور واحوالها، عايز اطلعها من اللي فيها وارجعها تاني نور تنور الدنيا بابتسامتها معتز يحدثه بجديه يقول،،، يا هادي انت اخدت شوت كبير اوي، احنا كنا فين وبقينا فين، دي فضلت شهور غايبه عن الوعي جسد فاتح عينه ولا داري باي حد حواليه، وانت الحمدلله ابتدت تتكلم، لازم نعترف ان ده انجاز هادي يننظر له ويقول بنبره هادئه،،، انا عارف ده كله يامعتز، انا عايز اوصل معاها للنقطه اللي خلتها تيجي هنا وتوصل للحاله دي،، هي اه بتتكلم معايا بس لسه موصلناش للي انا عايزة، وفي نفس الوقت مش عايز اضغط عليها بخليها تحكي اللي هي عايزة تقوله ومش بطول عليها، بنهي الحوار وانا ببقي نفسي اعرف الباقي، بس بشفق عليها واخاف علي اجهادها معتز يفرك بيده ذقنه، ورافعا حاجبه الايسر، ثم يرد قائلا،، فعلا شكل موضوعها مش سهل ومحتاج صبر منك ومنها، انت محاولتش تتواصل مع إيهاب هادي بحزن يقول،،، كل يوم وحياتك بيتصل عليا، ويطمن عليها ونفسه بس اسمح له انه يقا**ها معتز بفضول وتساؤل: وانت هسمح له يقا**ها ياهادي؟ هادي بكل ثقه: اكيد لازم هيقا**ها، بس لما اتاكد انها خلاص مش محتاجه ليا واتعافت تماما، لازم تواجه ويحصل الصدام ده وتقوله علي كل اللي جواها، وده مش هيحصل غير لما تكون قوية وواقفه علي ارض ثابته، وقتها الادوار هتتقلب يا معتز معتز بقاطعه وعلي وجه علامات التعجب والاندهاش -اي ادوار بتتكلم عنها مش فاهمك يا دكتره هادي يض*به ض*به خفيفه علي وجنتيه، ثم يقول،،، يا ابني افهم وركز معايا، دلوقتي زمان كانت نور هي اللي بتعرض وبتفرض حبها على ايهاب دلوقتي هي فاقت علي صدمه وجرح في قلبها لانه خدعها بالحب، واوهمها انه بيحبها وانها هي اللي انتصرت، وبعدين فاقت علي كابوس بيأمرها بتجهيز لحفل خطوبته، بس هو اعترف ليا انه بيحبها ومش قادر يستغني عنها، ودلوقتي هو اللي بقي في الموقف الضعيف وهي لازم تكون الاقوي، يبقي الادوار اتشقلبت ولا لأ يافصيح معتز يض*ب بيده علي قمة جبهته وبيتسم،ثم يقول،،، -اه صح عندك حق، بس انت عرفت كل ده من ايهاب في مكالمه واحده هادي : لا طبعا كل مره بحاول اخد منه حاجة، بس انا برغم اني عارف تقريبا السبب، بس متشوق اسمعه منها هي عايزها هي اللي تحاول تمسك طرف الخيط وتعرف سبب مشكلتها يامعتز انت فاهمني، لو وصلت لسبب وجودها هتعرف تحل مشكلتها وهتبقي اقوي من الاول معتز متسائلا،،، وانت من وجهة نظرك كدكتور نفسي مخضرم بقالك سنين في المهنه دي وورد عليك كتير من نوعيه نور، شايف انها هتقدر؟ هادي يرد موضحا له،،، بص انا شايف ان نور جواها عايز يبقي قوي وعندها الدافع لده، عايزة تثأر لكرامتها وكبراءها امام ايهاب وانا متأكد انها هتوريه العذاب لحد ما تسامحه معتز متعجبا يقول،،،، هي ممكن تسامحه بعد كل اللي عامله هادي ينظر اليه ويقول بسخريه من حديثه،،،، - مش بقولك غشيم، العشق اللي بتعشقه نور لايهاب هخليها تغفر اي حاجة بس محتاجة وقت مش اكتر، لما تتصالح مع نفسها الاول هتتصالح مع الكل، لما تعرف قيمه نفسها يامعتز معتز : تمام ربنا معاك ومعاها، ده انتوا حالتكم حاله، بس انا شايف انك مهتم بيها اوي لدرجه ملفته هادي بحزن يقول ،،، فعلا نور اول ما جت وانا لاول مرة اتعاطف مع حاله واحبها مع ان ده غلط في مهنتنا، بس انا اعتبرتها زي بنتي اللي فقدتها، ومقدرتش اساعدها برغم اني دكتور نفساني مخضرم زي ما بتقول... لما جت وشوفتها افتكرت انجي بنتي، كانت رقيقه اوي كده وجميله وكلها حيويه ونشاط، بس ربنا يجازي اللي كان السبب،،، وقعت في مصيده انسان عديم الضمير والاحساس و***ب بعواطفها، واوهمها الحب، وفاقت لما شافت خيانته ليها امام عينيها، متحملتش الصدمه انهارت، ودخلت في اكتئاب حاد اشد من نور بكتير، ولانها رقيقه وحساسه فضلت انها تموت، وسابتني بوجعي والمي عليها، استسلمت فى لحظه ضعف ونسيت ان لها اب هي كل دنيته،، وكل حاجه ليا بعد ما والدتها اتوفت وهي صغيرة، كانت انجي النور اللي بينور حياتي، رفضت اتجوز واعيش حياتي زي اي راجل من حقه يعيش ويتمتع،، قولت لا انجي مستحيل اجيب لها زوجه اب تعذبها، كنت انا الاب والام وكل عليتها،، بس للأسف مقدرتش احميها من الذئاب البشرية اللي موجوده في الدنيا ي**ت هادي ولا يستطيع ان يتحدث مع معتز الذي بسأله قلب عليه كل المواجع والآلام التي دفنت من سنين،، ولكن كيف تدفن وهي في اعماق قلبه وفؤاده ووجدانه،، فهو يحيا دائماً كل يوم بصورة ابنته الغاليه،، وحين ظهرت نور امامه شعر باحاسيس تجددت في قلبه، احساس حب ابوي سيطر عليه، قبل ان يكون واجب طبيب تجاة مريضته،، فيقاطع معتز هذا ال**ت متحدثا،، -انا اسف جدا يا دكتور هادي.. انا اول مره اعرف ان عندك بنت اصلا، برغم صداقتنا الطويله انا عمري ما سألتك عن حياتك الشخصية لاني استشعرت انك مش بتحب تتكلم عنها، فحترمت ده،، انا بجد بعتذر مرة تانيه وارجو انك تقبل أسفي هادي بحزن يرد،،، مفيش داعي للأسف يا معتز، انت مكنتش تعرف، وانا ياحبيبى بعتبرك في مقام ابني عمري ما ازعل منك ابدا.. هو في اب بيزعل من ابنه برضو معتز يقترب منه ويضع يده علي كتفه ويرد بحب قائلا،،،، والله ربنا يعلم معزتك وغلاوتك عندي انت في مقام اخويا الكبير،، ربنا يخليك ليا يارب هادي يغير من مود الموقف ويمزح معه مطالبا منه ان يأمر له بفنجان من القهوه ليتناوله حتى يهدا قليلا ويستعد للذهاب الي نور مكملا معها حديثه،، فيتركه معتز بابتسامة، ويتركه يفكر في ماضيه الذي احياه بكل الامه بدون ان يشعر... وبعد فترة قصيرة يستأذن عامل البوفيه ليقدم له القهوه واضعها علي الطاوله التي امامه مردد له،،، -تأمر باي خدمه تانيه يادكتور هادي ببتسامه : شكرا يا باسم، ياريت لو سمحت تدي خبر لانسه نور اني هعدي عليها بعد ١٠ دقايق وخليها تنتظرني في حديقة المشفي باسم : اوامرك يا دكتور حاضر، عن اذن سعادتك #عذبني حبگ بقلم إيمووو كمال ويخرج العامل ويتناول قهوته سريعا ليستعد للذهاب الي نور، يلمم كل اوراقه ممسكا اياها بيديه ومعه تسجيله الخاص الذي لا يفارقه في جلساته، فدلف الي الحديقه ليجد نور في انتظاره في نفس المكان المعتاد الجلوس عليه ليحادثها قائلا هادي مبتسماََ يقول: ازيك انا ملاحظ انك بخير الحمد لله وفي نظرة امل علي وجهك الجميل نور برضا ترد : الحمدلله والفضل لله وبعدين حضرتك يادكتور هادي يجلس بجوارها ويقول،،،،، - الفضل بعد ربنا هو انتي يانور... انتي اللي قويه، وعايزة تخرجي من الدوامه دي وانا بس بحاول أمدلك ايدي عشان تعدي بر الامان،، فانتي اللي هتعالجي نفسك يا بنتي مش انا، انا بس هنورلك الضوء الأخضر وانتي هتمشي وتكملي علي خطاه فهماني نور بحزن والم قالت،،، فهماك يادكتور وبحاول والله اعمل بكل نصايحك هادي : تمام ياستي احنا وقفنا امبارح عند قرار ايهاب كان اية فلاش باك نور بتنهيده عاليه تصحبها مرار والم،ثم نظرت له مردده،،، إيهاب يومها فضل ساكت شويه يفكر لحد ما لاقيته بيقول... ايهاب بابتسامه ماكره قال،،، بصي انا عجبني روح التحدي ولما بدخل في تحدي تاكدي مش بخسر ابدا،، ده انا إيهاب عمر برضو؛ "مع غمزه"، وانتي اسمك معروف في الوسط برغم اني مكنتش اعرف شكلك كويس "وهنا ينظر لها نظرة خبيثة وقحه" بس اهو اديني اتعرفت عليكي، وانتي اللي جيتي برجلك لحد عندي، وهنشوف مين هي**ب ومين هيكون الخسران، بس ليا شرط نور تقبض بين حاجباي بتعجب قالت،،، شرط اية ده بقي ان شاء الله!؟؟ ايهاب يرفع ثلاث من اصبعه ويشاور لها مردد،،، خلال ٣ شهور هتسكني معايا في فيلتي، مش انتي قولتي هتكوني مسئوله عن كل حاجه تخصني يبقي هتكوني معايا وتشاركيني في كل حاجه نور تترددت قليلا، ثم قالت بثقه،،، موافقه بس اية موضوع اشاركك دي؟ ايهاب يصطنع البراءة ويقول،، -تشاركيني شغلي، واكلي وكده امال انتي فهمتي اية، هي ليه نيتك راحت شمال كده نور بحده ونظرات قاتله قالت،،، لا ابدا لا راحت شمال ولا يمين، انا معاك دوخري علي طول مش بتاعت لف ودوران ايهاب بنظرة خبيثه قال،،، يبقي انا همشي دلوقتي وتقابل من بكرة علي العصر كده عشان مش بصحي قبل كده ونرتب احوالنا، وانا هخليهم يجهزوا ليكي غرفه في نفس الدور بتاعي.. سلام ياحلوه نور وعلي وجهها إبتسامه تسحر قلوب من يراها، لتجعله يتأملها جيدا ويود ان يأخذها معه في تلك اللحظه ولا يتركها، فهناك شئ ما يجذبه تجاها ولا يعرفه، فستشعر للوهله الأولى انها خطر عليه، ولابد من الجام مشاعره فهو من لعب بقلوب العزارى هل يعقل ان يقع بهذه السهوله،، كلا لا والف لا سأظل انا الصياد وليس الفريسه ابدا.. فيفوق علي حديثها مردده،،، -انا باذن الله هكون في المعاد ومعايا كل حاجتي لنبدا مشوارنا يا إيهاب، اللي هيبدأ باول خطوة ايهاب سارح فيها وفي ثقتها بنفسها ردد بدون وعي،، -انا اللي هنتظرك يانور، بس ياريت متشتكيش وتقولي حقي برقبتي، وترفعي الرايه البيضا بدري نور ترفع راسها بفخر وتحدي ترد قائله،،، - مش نور زين الدين اللي تسلم بدري يا إيهاب، انت اظاهر متعرفش مين هي نور... اللي مطربين مصر يتمنوا بس اني اشتغل معاهم وانا برفض واولهم منافسك المطرب" عادل فهمي" اكيد تعرفه ايهاب بغضب وعينه تطير شرارا، يرد بحده قائلا،، -انتي كمان عادل عرض عليكي تشتغلي معاه، ده انتي واصله اووي، وياتري بقي عرض شغل بس ولا حاجه تانيه نور بحديه وغضب تقول،،، - مسمحلكش ابدا تتجاوز حدودك، مهما كنت بحبك واتمني قربك ميديش الحق انك تغلط فيا ابدا،، وعلى العموم هريحك ولا ون مش من حقك تعرف... عادل طلب ايدي اكتر من مرة و كنت بعتذر بشياكه، ولما عرف اني سبت الشغل عرض عليا اشتغل معاه وامسك كل اعماله، وانا رفضت واعتذرت له لاني كان نفسي العرض ده يكون منك انت مش منه ي**ت ايهاب ولا يعرف كيف يرد علي من اقتحمت حصونه فجأه، وهو كان خالي البال منذ سنوات، منذ ان فسخ خطوبته، وهو لا يفكر في الارتباط مطلقا، لماذا انتي يانور اتيتي في هذا الوقت بالذات، فقلبي لا يستطيع ان ينبض مره اخرى، وكيف لامراه ترفض حب عادل المشهور صاحب الصوت العذب من اجل رجل اخر لا يشعر بها ولا يعلم عنها وعن حبها شيئا.. يا لكي من مجنونه اقتحمتني وعلي ان ا**د امامها... ثم افاق وقال لها هاربا من الرد -اشوفك بكره يانور سلام نور بهمس قالت،،، سلام يا احلي هوبا عرفته وتركته نور واستقلت سيارتها ودلفت الي منزلها لتصارح اباها بكل شيء دار بينها وبينه، فتفاجئت برفضه بشده قائلا ،، -اية اللي بتقوليه ده يانور انا مستحيل اقبل ابدا بحاجة زي دي، يعني اية تسكني معاه لوحدك في فيلا طويله وعريضه انتي اتجننتي يا بنتي نور تقترب منه وتقول بنبره هادئه،،، بابا بهدوء كده تعالي نتناقش اولا ده شغلي وانا كتير كنت بسافر مع المطربين او رجال الأعمال اللي كنت بشتغل معاهم، وكنت بفضل معاهم طول الوقت، ايه المشكله اعتبرهم سفريه لمده ٣ شهور خارج مصر، ثانيا ودي الاهم انت مربيني كويس اووي وعارف نور كويس بميت راجل واعرف ادافع واوقف اي خد عند حدوده فايه المانع زين ينظر لها وعلي وجه علامات الخوف والقلق، ثم يقول،،، يابنتي انا واثق طبعا فيكي وصدقيني لو كان اي حد غير ايهاب عمر كنت وافقت نور بزعل تقول،،، وايه بس المشكله انه إيهاب، ده انا عشت عمري كله احلم اني اكلمه واشوفه ولما تيجي الفرصه ارفض مستحيل انت بتحكم عليا حكم الاعدام يا بابا، متخلنيش اندم اني صارحت وقولتلك علي كل حاجة بصراحه زين بنبره خوف يقول،، يابنتي افهميني انا خايف عليكي، خايف تنجرفي ورا حبك ليه تنسي نفسك وتضعفي امام الحب ده، وبدل ما تعيشي السعاده اللي بتحلمي بيها، تدوقي مراره عشقه نور بثقه وثبات ترد،،، متخافش عليا يابابا انا عارفه هتعامل معاه إزاي، انا عمري ما هغلط في حق نفسي مهما كنت بحبه، ديني هيكون حافظا ليا ودعواتك ليا هتحميني زين بنبره جديه يقول،،، برضو م**مه، بس خليكي عارفه ومتأكده ان ايهاب مش سهل وبحوره غريقه، صياد ماهر، له تجارب نسائية بعدد شعر راسه هتعاني معاه، انا مش سهل عليا ابدا ان اب يقول الكلام ده لبنته ويسبها تشتغل عند اللي بتحبه وهو عارف ده كويس، لكن احنا طول عمرنا اصحاب ومش بنخبي علي بعض اي حاجة وانا لولا عارف حبك له من وانتي صغيره وكبر جواكي مكنتش هوافق ابدا علي اللي بتعمليه، وثقتي فيكي يانور ملهاش حدود اوعي تخيبيها وتخليني اندم في يوم اني اديتك مطلق الحريه نور تنهض وتتوجه اليه ممسكه بيده مقبلاها بكل حب وتقدير واحترام مردده،، -ربنا يخليك ليا يا احن واطيب اب في الدنيا ياحبيبي، ومتخافش عليا انا دارسه ايهاب كويس اوي وعارفه نقاط القوة والضعف وهعرف استغلها كويس جدا، ونشوف يا انا يا هو، بس وحياتي يا بابا حاول تقنع ماما انها توافق، وانا هروح اجهز شنطتي وكل ما يلزمني في الفتره دي وهنا تدلف عليهم سميه لافته اليهم بنظرات تعجب متساءله،،، -يقنعني بأيه يا نور وشنطة إيه اللي هتحضريها دي انتي عندك سفريه ولا إيه؟ زين ينظر لابنته ويقول،،، روحي انتي يانور شوفي هتعملي ايه وانا هتكلم مع ماما تتجه نور نحو غرفتها طابعه قبله هوائية في الهواء لوالدها واسرعت اليها لتنفذ ما عزمت عليه سميه بنبره قلق : ما ترد عليا يازين في ايه مخبينه عليا انتوا الاثنين ومخلتش نور تجاوب عليا زين ينظر لها ويمسك يدها لتجلس بجواره، ثم يحدثها بهدوء مرددا،،، - اهدي يا سميه وتعالي كده اقعدي جنبي وانا هفهمك... بصي ياستي نور اخيرا عرفت تتواصل مع ايهاب وهتشتغل معاه سميه بنظرة ذهول تقول مردده،،، ايهاب تاني يا زين هي لسه عايشة في الوهم ده زين محتفظاََ بنبرة صوته وهدوءه يقول،،، - ياسميه انتي اكتر واحده عارفه بنتك لما ت**م علي حاجه محدش فينا هيقف ادامها،، سبيها تجرب وتقرب منه يمكن لما تقرب تلاقيه مش زي الصورة اللي رسمتها في أحلامها، وتصحي من وهم حبه، لازم تحرب بنفسها وتكتشف عيوبه قبل مميزاته سميه بنفس نبره الخوف والقلق قالت،،، يعني تروح للنار برجليها ونقول تجرب.. انا لا يمكن اسمح لها انها تأذي روحها وافضل ساكته ابص عليها واقول اهي بتجرب زين بحده بعض الشئ يرد يقول،،، - احنا ربينا بنتا كويس يا حبيبتي متقلقيش عليها، فاكرة لما كانت صغيرة ولسة بتتعلم المشي وتحاول تقف عشان تمشي وتقع تجري انتي عليها تلحقيها كنت بقولك ايه، سبيها تقع وتقوم وتقف لوحدها عشان تتعلم، احنا مش هنعيشلها العمر كله، ولا لما ت**م تمسك كوباية سخنه واكون منبها انها سخنه وت**م تمسكها كنت بسبها تقرب عشان تتعلم انها لو مسكتها هتتلسع وانها تسمع كلامي سميه بتأفف تقول،،، - بس كانت يا زين لسه صغيرة مش دلوقتي كبيرة وناضجه زين ببتسامه يرد عليها،،، - طب ده من باب اولي متخفش عليها ونثق في تفكرها متقفيش ادامها لاني واثق انها هتنفذ اللي عايزه فخليه برضانا احسن ما يكون غصب عننا سميه بغضب وحده ترد عليه مردده،،، - اه هي لعبت في دماغك واقنعتك كعادتها، وانت جيت تكمل عليا انا مش كده زين بضحكه : اخس عليكي ياسميه هو في حد بيلعب في دماغي ولا قلبي غيرك انتي ياقمر سمية وبدا عليها اللين، فزين له تأثير عليها لا أحد ينكره، فهو اول دقه قلب لسمية، وعشرة عمرها كله، ونقطة ضعفها، ومص*ر قوتها في آن واحد،،، -اه ياحبيبى كول انت بعقلي حلاوة، انا بس نفسي اعرف مش بقدر اقاومك ابدا ولا ا**دت معاك في اي مناقشة وا**م علي رأي زين بنظره كلها حب لها يقول،،، -عشان انتي بس قلبك ابيض و بتحبيني ياسوسو ومش بترضي تزعليني ابدا، ربنا ميحرمنيش منك ابدا ياعشرة عمري كله سمية بتنهيده بها مزيج من العشق والحب لزوجها، فبرغم السنين الا انها مازالت تعشقه، وتغار من اي امراه خلقت علي وجه الارض تنظر له وتقول،،، -هو انا بحبك بس يا زين ده انت عشقي، وحبيبي،، وحياتي، وعمري اللي راح، واللي جاي، وكل حاجه ليا في الدنيا،،، ربنا يبارك فيك ياقلبي انت ونور زين بنظرة حب لها رد قائلا،، ياسيدي على الكلام الحلو اللي مش بيطلع غير في المناسبات ده،، انا شكلي كده هقوم اعتذر النهاردة علي البروفه وليلتها هتكون قشطة سمية بضحكه مثيرة تقول،،، ياراجل اعقل بنتك تسمع تقول ايه عليك، مش هتكبر ابدا يازين، يانهاااري عليك زين يقربها له بحب يقول،،، - اكبر يا سوسو ده انا لسه ابن امبارح، وهوريكي زيزو لما يحب يرجع امجاده هيعمل اية،، وهي بنتك فايقه لينا خليها في تجهيز شنطتها، وخلينا احنا في استرجاع امجادنا ياسوسو سمية تضحك علي زوجها الذي مهما طال عليه الزمن فهو كما هو، يقف عنده الزمن متكتف الايدي ولا يستطيع هزمه لتسخر منه مردده،،، -ماشي يازيزو لما نشوف يا سبعي، بس يارب متقلبش.... زين اتسعت حدقتاه وتعجب، ثم قال بزعل مردد،،،، - يانهاري ياسوسو اوعي تكملي لحسن ازعل بجد عيب عليكي، انتي زي القطط ليه كده تاكل وتنكري سمية تضحك وتض*به بكفها ض*به خفيفه علي كتفه و تقول،،، - في اية يا راجل بضحك معاك ياغالي، ده انت سيد الرجاله كلهم في عيني زين بحب ويغمز لها ويقول،،، يسلملي عيونك الحلوين دول ياقلبي ويحضن زين سميه بين ذراعيه بحنان وشوق متوجهين الي غرفتهم، متناسيين خوفهم علي نور لبعض الوقت، داعيين لها الله ان يحفظها لهم من كل سوء "باك" يقاطع د هادي حديث نور وحكايتها ليقول،، -اسف يانور الشريط خلص والجلسه طولت النهاردة وحكاويكي مش بتخلص يانور، بس اعمل اية بقي لازم انتهي عند هذا الحد لنكمل غدا نور تغمض عيناها بالم ثم قالت،،، اوك يادكتور احنا فعلا جلسه النهاردة كانت مليانه بكره نكمل، اشوفك بكره على خير مع السلامه هادي؛ مع السلامه يانور، اسبيك انا وافرغ محتويات التسجيل، سلام

Free reading for new users

Scan code to download app

App Store Google Play

Facebookexpand_more