KINABUKASAN
Hindi ko mapigilan na mag pabalik-balik nang paglalakad dito sa loob ng kwarto ko. Sa hindi ko malaman na dahilan ay nagising ako ngayon ng mas maaga kesa sa usual na oras ng gising ko. At pagmulat pa lang ng mga mata ko ay ‘yung nangyari na agad sa pagitan naming dalawa ni Apollo kagabi ang unang pumasok sa isipan ko. Ngayon ko lang na-realized kung gaano ako ka-impulsive sa ginawa ko… at dahil din doon kaya hindi ko magawang lumabas ngayon dito sa silid ko.
‘Damn you, Laurelle!’ singhal ko sa sarili ko. Kagat-kagat ko pa ang kuko ng hinlalaki ko habang nagpapa uli-uli ko sa paglalakad; pupunta sa kanan at babalik sa kaliwa. Ganon at ganon lang ang ginagawa ko dahil hanggang ngayon ay hindi ko pa rin alam kung paano ko haharapin si Apollo. Nasanay lang siguro talaga ako na s
