Naalimpungatan si Janellah Pearl nang marinig ang mga nag-uusap sa lugar kung nasaan siya. Ipapaalam na sana niyang gising na siya matapos matanggal ang bala sa kaniyang balikat pero hindi niya naituloy at kulang na lamang mapaubo siya dahil sa narinig. Ngunit nanatili siyang tahimik at ninamnam ang pagtutulog-tulugan.
"Hello po, ako nga po pala si Precious Jennifer isa sa triplets ng mga Smith at kambal ko po si Jameston." Pakilala ni Precious sa mag asawang AG at MJ.
"Oh, Iha. Naalala na kita. Isa ka sa mga apo ni Tito Oliver Sr, right?" Pangungumpirma naman ni MJ.
"Opo, Sir. At pasensiya na po kayo ni Ma'am sa kuwago kong kapatid. Ang akala namin ay nasa Harvard siya dahil nagtravel po siya noong isang araw pero nandito pala sa bansa at may operasyon sila. Mabuti na lang hindi na nam
