DUMAAN ang gabi, ay kinatok siya ng maid sa silid upang bumaba na at samahang maghapunan ang mag-inang si Doña Helen at Emir. At hindi siya makapaniwala ng makarating sa dining area. Well, inaasahan niyang maghahanda ng maraming pagkain si Doña Helen bagaman namamangha lang siya dahil mga expensive ang mga nasa hapag na tila nasa isa silang five- star restaurant.
“Ano, tatayo ka na lang ba riyan?” Mula sa kinatatayuan ay naagaw ang atensiyon niya sa nagsalitang si Emir sa kabilang side ng lamesa.
“Oo nga, hija. Come, join us. Naghanda ako ng marami para sa pagdating mo at ni Emir.” mabait na wika ng Doña.
Si Pamela naman ay wala sa antisipasyong malugod na ngumiti at naupo sa isa sa mga upuan kaharap ang lalaking si Emir. Sa gitna ng hapag ay si Doña Helen ang nakaupo roon. At nang tumi
