"Ano sa tingin mo ang pinag-uusapan nila?" tanong ko kay Rhyan habang pareho kaming nakatanaw sa aming mga magulang na ngayon ay seryosong nag-uusap sa sala ng aming mansion.
Kami naman ay naririto sa itaas ng hagdan habang kasama namin ang bunso kong kapatid na nakaupo sa kanyang wheelchair.
"Magpapakasal ka na, Ate?" tanong niya habang nakatingala sa akin.
"Why? Don't you like me? Mabait naman akong kuya," sabat naman kaagad ni Rhyan habang nagpapa-charming sa kapatid ko.
Tiningnan lang naman siya ni Precious at saka muling bumaling sa akin.
"Isnabera," nakasimangot naman na bulong ni Rhyan kaya marahan ko siyang nasuntok sa braso niya na hindi naman makikita ng kapatid ko dahil naririto kami nakapwesto sa may likuran niya.
"Ayaw mo pa bang magpakasal si Ate?" tanong ko naman kay P
