Pagpasok namin sa loob ng hallway ay halos isiksik ko na ang mukha ko sa leeg ni Rhyan para lamang maitago ito mula sa mga mata ng lahat ng estudyanteng naririto.
Kanina ko pa siya binubulungan na ibaba na niya ako dahil kahit papaano ay kaya ko naman maglakad ngunit nagmatigas talaga siya at hindi niya talaga ako ibinaba. Aakyat pa kasi kami ng hagdan dahil nasa third floor ang room namin at siguradong mahihirapan daw ako sa pag-akyat.
Wala na akong nagawa kundi ang magtago na lang sa leeg niya. Parang gusto ko namang kagatin ang leeg niya dahil ang bango-bango!
Bagpack naman ang gamit ko na gusto pa sana niyang kunin kanina at gusto niyang siya na rin ang magdadala nito pero hindi ko na ibinigay dahil hindi naman ito ganon kabigat sa likod ko.
Namalayan ko na lamang na pumapasok na
