عشق وعشاق الجزء الثاني

١٤

شيفاي بيوصل عند المطار و يشوف سوربي تستنى بطيارة لما تتطلع ويتذكر حكي الدكتور و يتراجع " انا ما فيني اضحي بإبني او فيكي ، كرمال تبقي معي ، راح أتحمل فراقك "

سوربي تستنى بموعد طيارة " لو شيفاي وقفني لكنت ما سافرت ، بس هو بده اسافر لحتى يأخذ راحتوا مع جانكي " ويرن تلفونها و يكون شيفاي ، تبسط سوربي " هو راح يوقفني هلا و يمنعني من رحيل كنت بعرف "

سوربي : الووو

شيفاي :انا ....... اتمنى الك رحلة آمنة ،

ويسكر الخط ، و سوربي تبكي كتير " كان فيك تمنعني بس انت بدك ابعد عنك ، راح ابعد عنك وما راح ارجع شيفاي " وتتذكر لحظاتها مع شيفاي

شيفاي : الوداع سوربي

سوربي : انا بكرهك شيفاي ، وتروح سوربي و تركب بطيارة يبعتلها شيفاي رسالة صوتية

تكون جانكي قاعدة بتاكل موز ، وارجون بيجي عندها

ارجون : في عندي الك أخبار

جانكي : احكي اخر الأخبار

ارجون : سوربي حامل ، وسافرت ع لندن و تركت شيفاي

جانكي : هاي الأخبار الحلوة

ارجون : بس في أخبار مو حلوة

جانكي : عادي مو مشكلة ، شو هي

ارجون : التغت جميع حفلاتك ، وتجمدت جميع احساباتك بالبنك ، وجميع ممتلكاتك

جانكي مصدومة و توقف : مين عمل هيك

ارجون : شيفاي اوبيروي ، انا حكيتلك انه راح يدمرك

جانكي تضرب ارجون كف : كيف هيك تحكي عن حبيبي

ارجون يمسك ايدها : انا من زمان و انا بحكيلك اني بحبك وانتي ما عم ترضي بحبي ، رحتي و ركضتي ورا رجل متزوج ودمرتي زواجه وهلا دمرك

جانكي : بعد عني لا تحكي معي هيك

وفجأة بيطق الباب وجانكي تبعد عن ارجون و تفتح الباب وتكون الشرطة ، ويتخبى ارجون

الشرطة : تفضلي معنا مدام جانكي

جانكي : لوين

الشرطة : لمركز الشرطة في شكوى انك بتعملي أعمال غير مشروعة و تستخدمي الغناء بطريقة غير مشروعة

جانكي :مستحيل هالحكي مين قدم الشكوى

الشرطة : تفضلي احكي معه شخصيا

جانكي تحكي بالتلفون

جانكي : الو

شيفاي : شيفاي سينغ اوبيروي ما بينسى أعدائه انتظري دمارك وانتي بسجن

، ويسكر الخط و جانكي كتير خايفة و تروح مع الشرطة و يسجنوها

ارجون : انا دايما بحذرها بس هي ما بترد كيف راح اقدر اطلعها انا ما فيني اشوفها بالسجن

في منزل اوبيروي بيستنوا شيفاي و يدخل شيفاي البيت و هو معصب و يروح ع غرفته ويحكي مع ياش وارتي

شيفاي : مرحبا سيد ياش

ياش : اهلين شيفاي

شيفاي : بتعرف انه تخانقت مع سوربي و هي بدها تيجي عندك

ياش : انا بعرف أنها بدها تيجي بس ما حكتلي انك متخانق معها ، ليش تخانقت معها

شيفاي بيحكي كل شي صار معه لياش

ياش : لا تخاف راح اقنعها انك مستحيل تخونها

شيفاي : لا انا ما بدي هيك

ياش : طيب شو بدك

شيفاي : سوربي حامل

ياش : بعرف حكتلي وانا كتير انبسطت بالخبر

شيفاي : بس دكتور حكى أنها يكون خطر عليها او على جنين اذا تعرضت لتوتر او صدمة او ضغط

ياش : يعني هلا شو بدك تعمل ، راح تتحمل أنها تكون بعيدة عنك

شيفاي :لا ما بتحمل ، بس بدي اطلب منك طلب

ياش : تفضل

الجدة : اوم روح نادي شيفاي بدي احكي معه ضروري

اوم : هلا بروح عنده

اوم بيروح عند شيفاي و شيفاي يفتح باب الغرفة

اوم : ستي بدها تحكي معك ضروري

شيفاي : انا كنت بدي اروح عندها

شيفاي يروح عند العائلة مجتمعة

الجدة : شيفاي شو وينها سوربي

شيفاي : لا تخافي عليها بعد نص ساعة بتوصل عند اهلها بلندن

بينكي : شيفاي كيف تسمحلها تروح تسافر و تركك

شيفاي : هي بدها تروح ما اقدر اعترض طريقها

بينكي : وابنك

شيفاي : هي راح تعتني فيه أكثر مني

الجدة : أنت راح تكون مبسوط

شيفاي : اذا كانت هي مبسوطة اكيد انا راح اكون مبسوط

بينكي : بس شيفاي....

شيفاي يقاطعها : خلص امي لا تناقشي بالموضوع

بيروح شيفاي و يتركهم

الجدة : اتمنى يكون شيفاي منيح

فير : لا تخافي ستي راح اكون معه واسنده

الجدة : انا بوثق فيك

بتوصل سوربي عند المطار في لندن و يستقبلوها اهلها ويرحبوا فيها ، بعدين يروحوا ع بيتهم ، ولما بيوصلوا بيدخلوا ع البيت .

سوربي : بابا انا تعبان ممكن اروح ع غرفة ، انتو جهزتولي غرفة صح

ارتي : اكيد حبيبتي بتكون اول غرفة ع اليمين بطابق الثاني

سوربي : اوكيه ماما شكرا الك كتير

ارتي : هلا بطلع معك وارتب اغراضك

سوربي : لا ماما بدي اروح لحالي

ارتي : بس بنتي ....

ياش يقاطعها : خلص ارتي خليها ع راحتها

سوربي : شكرا بابا ، وتروح سوربي ع الغرفة و ترتب اغراضها

ارتي : أنت ليش منعتني من اروح معها كنت بدي اساعدها علشان ما تتعب

ياش : شيفاي خبرني موضوع يخص سوربي تعالي احكيلك عنه ،س

ياش : ايه

شيفاي : ممكن تخليني احكي معه واراقب سوربي

ياش : كيف راح تراقب سوربي

شيفاي : بيوضع كاميرات مراقبة بالبيت عندكم و يوصلها بإيميلي الشخصي

ياش : بس هذا اشي يتطلب شوية خصوصية إلي و لسوربي

شيفاي : انا بس بدي بغرفة سوربي مو بالبيت كامل ، ولا تنسى سوربي لسى زوجتي وام إبني

ياش : بس سوربي اذا عرفت بالموضوع راح تزعل

شيفاي : اكيد ما راح تعرف بترجاك لا تحرمني من شوفتها

ياش : اوكيه راح اعمل متل ما بدك

شيفاي : شكرا الك كتير ، انا راح احكي مع صديقي و ابعته ع عنوانك

ياش : انا بعمل هيك لاني انا كمان اب

شيفاي : ممكن اطلب منك طلب تاني

ياش : تفضل

شيفاي : ممكن كل ما تعمل فحوصات ابعتلي نسخة منه عبر فاكس

ياش : اوكيه في اشي تاني

شيفاي : لا شكرا الك ع كل شي قدمتوا الي ^

شيفاي يبكي : راحت حبيبتي ، انتي كتير مبسوطة بالحمل ، يا ريت كنت معك هلا .

يفوت عنده فير ويسكر بسرعة لابتوب

فير : شو تعمل شيفاي

شيفاي : ولا اشي

فير : ما بدك تروح خلص الدوام

شيفاي : لا ما بدي

فير : راح استناك

شيفاي : لا روح ما بدي اياك تستناني

فير : متل ما بدك

سوربي تفتح تلفونها و يكون في رسالة صوتية من شيفاي تجاهلها و ما تسمعها

سوربي : انا ما بدي اسمع صوتك انا بكرهك شيفاي و تبكي

شيفاي يتأثر و يبكي كتير لما يشوف سوربي منهارة بسببه...