عشق وعشاق الجزء الثاني

١٦

يوقف شيفاي فجأة و يرجع مكانه بعيد عنهم " انا مو لازم ابينها إني مهتم فيها لازم اتجاهلها "

ويروح ويركب بسيارة و يطلع من هنيك و يستنى امام شركة كابور بسيارته

شيفاي : اكيد راح تيجي هلا وتحضر الاجتماع

وبعد لحظات توصل جوري و سويتلانا و سوربي ع مقر الشركة و يحكي مع اوم

شيفاي : صار متل ما حكيتلك

اوم : ايه متل ما حكيت بالضبط، هلا بدي اروح ع البيت

شيفاي : هيك تمام ، شكرا الك

اوم : ع سعة ورحب اخي

سوربي : انا كتير اشتقت لشركة من زمان ما شفتها

جوري : اكيد اشتقتي الها و كمان كتير شغلات

سوربي : متى يبلش الاجتماع

سويتلانا : يلا بعد ربع ساعة راح يبلش

سوربي : بلكي ما يطول لاني كتير تعبانة

جوري : لا تخافي ما راح يطول

سوربي : هيك تمام يلا نجهز حالنا بسرعة

بافيا و رودرا يكونوا بالبيت كابور يجهزوا فيه ليرحبوا بياش و ارتي ، بيوصل ياش و ارتي ع البيت مع فير و يرحب فيهم رودرا و بافيا

رودرا : وأخيرا اجيتوا

ياش : انا كنت حاب من زمان اجي بس سوربي كانت مش راضية

رودرا : دايما زوجة اخي عنيدة

ارتي : ايه معك حق

بافيا : انا جهزتلكم الاكل علشان تاكلوا اكيد جعتوا

ارتي : شكرا الك حبيبتي كتير

رودرا : عادي بيكون واجبها

فير : انا دخلت كل شناتي لفوق

ياش : بس كانه شناتي سوربي مو هون

فير : بصراحة شيفاي اخذهن ، بده يأخذ سوربي عنده

ارتي : اتمنى سوربي بترضى

ياش : اكيد راح ترضى ، هي كتير كانت مشتاقله

بافيا : احنا بدنا نطلع لحتى تاخذوا راحتكم و ترتاحوا

ياش : شكرا الك بنتي

بافيا : العفو عمو

رودرا و بافيا و فير بيتركوا البيت كابور و يروحوا عند بيت اوبيروي ، وبعد ساعتين يخلص الاجتماع

سوربي : انا كتير تعبت مين بده يوصلني

سويتلانا : انا راح احكي مع شوفير

جوري : لا انا بحكي معه

سوربي : اوكيه احكي معه بسرعة

جوري بترن ع شيفاي

جوري : لو سمحت يا شوفير المدام سوربي تعبانة ممكن توصلها ع البيت

شيفاي : من دواعي سروري مدام

جوري : شكرا الك كتير ، يلا سوربي روحي شوفير ينتظرك ع الباب

سوربي : شكرا الك اختي كتير، بتطلع سوربي من المكتب و تضحك جوري

سويتلانا : ليش تضحكي اختي

جوري : لأنه شيفاي سينغ اوبيروي صار شوفير

سويتلانا تتفاجأ و تضحك

بيكون شيفاي واقف خارج السيارة بيلمح سوربي جاية " شو ما يصير اتجاهلها "

سوربي بتلمح شيفاي وتتفاجا برؤيته " وأخيرا اجيت " وتحس وجع كبير ببطنها وتصير تتوجع و شيفاي يروح عندها بسرعة و يحملها وتمسك برقبته، اثنين قريبين من بعض بس في حواجز بينهم ما يقدروا يعبروا عن اشتياقهم لبعض سوربي مبسوطة " وأخيرا شميت ريحة عطرك " شيفاي " بين يدي اغلا أشخاص علي " ويركبها بسيارة و يركب بسيارة

سوربي " ليش ما يحكي اشي "

شيفاي " انا ما راح احكي ، هي راح تحكي كل شي "

سوربي : شيفاي ليش خطفتني

شيفاي يضحك : تفضلي التلفون احكي مع شرطة

سوربي " انا ما توقعت بيحكي هيك "

سوربي : لا بلاها، انا هلا ارجعت ما بدي اعمل مشاكل

سوربي " ليش ساكت ما عم يحكي ، وانا كمان ما راح احكي "

شيفاي " شو مفكرة راح احكي معك ، لا مستحيل "

وبيوصلوا ع البيت و شيفاي يحملها مرة تانية ويدخلها ع البيت

سوربي : انا فيني امشي ،شيفاي مش معبرها

سوربي " ليش شيفاي ما بيحكي معي "

الجدة تفتح الباب و تستقبلهم بصينية

وينزل شيفاي سوربي وتسلم ع العائلة كاملة لحد توصل عند بينكي

بينكي : هلا تذكرتي عندك بيت حماة

شيفاي : بترجاكي امي لا تحكي مع سوربي هيك

شيفاي يقعد سوربي ع كنباية

سوربي " لسى ما بيتحمل حدا بيحكي عني ، طيب ليش ما بيحكي معي "

الجدة : بافيا جيبي صنية الحلو من المطبخ خليني اطعم كنتي الحلو

بتروح بافيا بتجيب صنية الحلو والجدة بتطعم سوربي و شيفاي الحلو و بتعطي الصينة لبافيا ، بافيا ما بتقدر تمسك الصينية وتدوخ ويمسكها رودرا و يخاف عليها كتير

سوربي تتفاجأ و تمسك ايد شيفاي من الخوف شيفاي بيحكي مع دكتور ، رودرا بيحمل بافيا ويوديها ع غرفتهم، بيجي الدكتور ويكشف عنها ، ويخبرهم أنها حامل ، كلهم ينبسطوا بالخبر و رودرا مع بافيا بالغرفة مبسوطين بالخبر

رودرا : شكرا الك حبيبتي

بافيا : شكرا الك حبيبي ، وتدخل عندهم العائلة و يباركولهم

الجدة : انا اليوم كتير مبسوط كنتي رجعت وكنتي تانية راح تجيب حفيد

شيفاي : الف مبارك الكم

رودرا يعانقه : يبارك فيك اخي

شيفاي : عن إذنكم لازم نرتاح

شيفاي يروح و يحمل سوربي و ياخذها عند غرفتهم و ينزلها

سوربي : اذا انت ما بتأخذ اذني علشان تحملني ، طيب ليش ما تأخذ اذني لما تنزلني

شيفاي : انتي صرتي سمينة كتير ، ظهري يوجعني منك

سوربي تتفاجأ : أنت كيف تحكي عني هيك

شيفاي : بحكي الواقع

سوربي تعصب : بصراحة انا صرت سمينة بسببك

شيفاي : انا شو دخلني

سوربي : أولادك هم سمنوني و صرت ناصحة

شيفاي : يلا بسيطة اهم شي يكونوا مرتاحين ،

ويفتح شيفاي باب الغرفة و تدخل سوربي معه تتفاجأ من د*كور الغرفة ، وتقعد ع تخت لأنها تعببانة

سوربي : أنت ليش مغير د*كور الغرفة ، وتلمح شيفاي يسكر باب الغرفة بالمفتاح ، ليش سكرت الباب بالمفتاح

شيفاي : أولا انا غيرت د*كور مزاجي ، صار في هون شاشة احضر ممباريات ، و ثلاجة اذا جعت باكل، ع فكرة اليوم ما في الك طلعة من غرفة

سوربي : ليش تحكي هيك

شيفاي : لأنه اولادي لازم يرتاحوا

سوربي : هم يكونوا أولادي كمان

شيفاي : في بثلاجة اكل اذا بدك تاكلي، وإذا مو حابة تنامي معي ع التخت ، راح نقسموا ، لأنه ما عندي استعداد انام ع كنباية مشان اي حدا

سوربي : أنت ليش جبتني لهون

شيفاي : انتي لازم تخلفي بيبتك

سوربي : طيب متل ما بدك انا ما راح اناقشك لاني تعبانة ، انا بدي اتحمم

شيفاي : لا باول انا بتحمم و بعدين انتي ،و اغراضك كلهم بخزانتك ، لا تنسى تغمضي عيونك لما بطلع من الحمام

سوربي : خليني اتحمم اول اشي ، انا تعبان بدي انام

شيفاي : لا ، بياخذ المنشفة ويفوت ع الحمام بسرعة و يتحمم

سوربي " ليش هيك شيفاي ما بيحكي معي ، ولا يسأل عن أولادنا ،معقول اتغير ، أو زعلان لاني تركته "

شيفاي يطلع من الحمام ولابس روب الحمام وتكون سوربي بتطلع عليه

شيفاي :يلا غمضي عيونك

سوربي : انا راح أغمض عيوني ما نسيت بس كنت افكر بشغلة، تلف سوربي وشيفاي بيلبس اواعيه

سوربي " حتى هو ما سألني بشو أفكر "

ويروح شيفاي بيقعد ع كنباية مقابل الشاشة و يحضر المبارة

سوربي " هو حتى ما حكى انه خلص ،شو صار معه " سوربي بتأخذ المنشفة وتفوت تتحمم وتطلع من الحمام ، بتشوف شيفاي بيحضر ممبارة و يأكل فواكة

سوربي : لا تلتفت بدي البس اواعيي ، ع فكرة راح أطول لا تلتفت

سوربي " هو ما حكى و لا كلمة شو صار معه"

شيفاي " بعرف انك بتطولي لانك تجدي صعوبة بلبس اواعيكي ، اتمنى لو فيني اساعدك "

سوربي بتخلص لبس اواعي " هلا بشوف شو راح يعمل "

سوربي : ممكن اقعد عندك وأحضر مبارة معك

شيفاي يفحزلها مكان علشان تقعد و يعطيها صحن فواكة علشان تاكله ، دون بيحكي معها لا حرف

سوربي " انا ما فيني اتحمل هذا التجاهل من شيفاي "

شيفاي"راح تعترف شي يوم لسى بتحبني ، وما تتحمل التجاهل مني " ،ويحضروا المبارة و شيفاي ينعس و ينام ع كتف سوربي ...