"Anak anong ginagawa mo d'yan?" nagtatakang tanong ng Mama ni Denmark. Sino ba ang hindi magtataka daig pa niya ang salisi gang sa pagpupumilit na mabuksan ang pinto ng kwarto nila ni Jasmine.
"M-ma! Umuwi kayo ngayon? Anong oras na ba?" Sabay tingin niya sa braso kung saan nakasuot ang paborito niyang relo.
"Kararating lang 'nak diba maylakad kayo ng mga bata bukas?" Sagot nito sa kanya. Subalit tinitigan siya ng Ina at hindi mapigilan ang hagikhik kaya nilingon niya ito.
"Ma!" reklamo niya rito. Subalit mas naging malakas ang halakhak nito.
"Bakit nga pala kanina ka pa hindi mapakali d'yan sa mga susi? Hmm... don't tell me may eviction na naganap sa kwarto n'yo?" Kuryoso na tanong nito subalit kita pa rin sa mukha nito ang mapang-asar na hitsura. Napakamot siya sa buhok 'tsaka alanga
