Nabulabog ang tulog ni Jasmine ng umaga na iyon dahil sa walang tigil ang tunog ng phone ng naghihilik na asawa. Labag man sa kagandahang asal ay may nag-udyok sa kan'ya na buksan ang cellphone nito na nasa headboard ng kanilang kama. Gusto niya itong sagutin at alamin kung sino ang tumatawag ng gano'n kaaga sa tantiya niya ay halos ala-sais pa lamang ng umaga.
Hindi siya nakatiis at inabot niya 'to ng dahan-dahan. Nahirapan pa siya ng umpisa dahil mayroon password na hinihingi bago ito magbukas. Napanguso siya dahil hindi magka-match ang inilalagay niyang password. Hanggang sa sinubukan niyang birthday niya at date ng kanilang kasal ang password nito. "Hmm. 'Wag kiligin Inday hindi ka sure," tukso ng kanyang isipan.
Isa-isa niyang binasa ang mga nabuksan na messages. Wala naman naging
