Athena
SUMASAKIT ang ulo ko sa assignment namin sa math. Ito yung subject na tinatakasan ko noon. Pero wala akong magawa ngayon kun 'di pagbutihin ang pag-aaral ko, ayaw kong mapahiya kay tita Carmela. Pinag-aral niya ako kaya dapat suklian ko iyon ng magandang grades. Sisikapin ko ng hindi bumagsak sa mga subject.
Noon kasi wala lang sa akin kahit mabagsak man ako, gano' n ako kasama sa mga magulang ko. Hindi ko man lang naisip ang mga nagastos nila sa akin. Ang pagod nila sa pagtatrabaho, si Papa na isang construction worker habang si Mama naman ay paminsan-minsan naglalaba para magkaroon ng pera.
Kusa na lang tumulo ang aking luha ng maalala ko sila. Gano'n ako kasama na anak. Hindi ko man lang sila pinahalagahan. Tama nga sila, tsaka mo lang ma-realize ang bagay o ang mga mahal mo
