Sakay ng kaniyang motorcycle si Pauline, patungo siya sa lugar ng squatters area. May kailangan siyang hanapin, natatandaan pa niya ng minsang ihatid ang dating kasamahan sa training noon. At sana lang ay hindi pa ito umaalis sa lugar na yon.
“Ineng, sa looban ba ang punta mo?”
“Oho sana, may dadalawin lang na kaibigan.”
“Kung gano’n ay huwag mong iwanan ang motor mod yan. Siguradong mamaya ay wala ka ng babalikan.”
“Saan ko ba maaring iwanan ito Manang?”
“Nariyan ang apo ko, pwede mo siyang upahan para magbantay.”
“Sige po, paki tawagin nyo at kakausapin ko.”
“Okay ineng, saglit lang at pupuntahan ko.”
Habang naghihintay ay palinga linga siya, iniisip niya kung paanong nakakaraos ang mga maralitang tao sa lugar na iyon.
“Ms. Maganda, hinahanap mo ba ako?”
“Ikaw ba ang apo ni Man
