Chapter 10
ARWIN's Point of View
Nang tanungin ako ni Brent pero si Breana pala ang kaharap at kausap ko, kung anong kasalanan niya sa akin, nagpigil muna akong sabihin sa kaniya ang totoo kahit pa gustung-gusto ko nang ilabas ang lahat ng hinanakit ko sa kaniya. (Iyon ang pagkakakilala ko sa kanya, si Brent. Wala akong alam tungkol kay Breana. Basta ang alam ko ay si Brent siya NOON kaya hayaan ninyong BRENT muna ang gagamitin ko sa pagpapangalan kay Breana.) Bigla kasing naisip ko na hindi sa pagsasabi ng hinanakit ko ang mas mahusay na paraan para gantihan siya. Mas nanaig yung kagustuhan kong ipalasap din sa kaniya yung hirap na pinagdaanan ko para lang marating ko kung nasaan man ako ngayon. Ako ang magiging hadlang niya sa kung anuman ang kaniyang pangarap. Alam kong nakapahalag
