CHAPTER 21
ARWIN’S POINT OF VIEW
Wala na akong makita, ni wala akong narinig ngunit bago nangyari iyon ay naramdaman ko siya. Niyakap niya ako. Pilit niya akong gustong buhatin. Siya 'yun, alam ko ang init ng kaniyang katawan, ang amoy ng kaniyang hininga.
Mahabang kadiliman.
May naulinigan akong nag-uusap. Hanggang sa narinig kong parang may nagbukas ng pintuan. Dahan-dahan kong ibinukas din ang aking mga mata. May isang pigura ng babaeng palabas sa pintuan. Muli kong isinara ang mga mata ko. Hindi malinaw ang aking paningin, pagbukas kong muli ng aking mga mata ay isang pigura ng lalaki naman ang parang humila ng isang upuan at tumabi sa akin.
Muli akong pumikit.
Umaasang sa pangatlong pagkakataong buksan ko ang aking mga mata ay mas malinaw na ang aking paningin ngunit hindi ko p
