"YES?" bungad ni Monaliza nang sagutin niya na ang tawag ni Marco Polo.
Pinapormal niya ang boses niya sa abot ng makakaya niya kahit na deep inside ay nagsisimula nang sumirko ang sikmura niya. Of course, gano'n talaga ang initial reaction ng isang tao na may binabalak sa taong makakausap o kausap na nga niya, right?
"Doc," ganting bati nito sa kaniya.
Isang salita 'yon na maraming tao ang tumatawag sa kaniya ngunit ewan ba naman niya kung bakit dito ay tila nagbago 'yon. Parang halo-halo at siopao, naging... espesyal.
Keso!
Tumikhim siya para mapalis niya ang parte niyang matagal na niyang hindi nagagamit. Napilitan na hindi siyang hindi na ipakita sa mga taong nakakaharap ang side niyang 'yon dahil kailangan. Ang isang duktor ay dapat na seryoso sa kanilang tungkulin at sinumpaa
