DAMA ni Kate ang tensyon sa paligid kahit pa ba nananatili pa rin siya sa kaniyang hospital room hanggang sa mga oras na 'yon. Dama rin niya ang papalapit na panganib, malapit na 'yon sa kaniya. Sa k'warto kung saan siya naroon mismo. Sa katunayan, nang tumayo na siya upang iligtas ang sarili ay napaso na nga siya sa hospital bed. Oo, mainit na 'yon at napaso na ang palad niyang inihawak niya ro'n. Indikasyon na dumidila na ang apoy papalapit sa kaniya.
Tuluyan na siyang bumangon. Hindi ang pagkapaso ang mas mahalagang pagtuunan niya ng pansin ngayon sa kinasasadlakan. Sa ganitong sitwasyon, mahalaga na makapunta siya ng banyo para makapagbasa siya ng kumot na maaari niyang iyakap sa kanyang katawan. 'Yon lang ang choice na mayroon siya kung gusto niyang makaligtas mula sa napipintong pa
