ISANG MATAMIS NA ngiti ang iginawad ni Kendra sa guard nang papasok na siya.
“Good morning po, Ma’am Kendra! Ang ganda ng gising natin, ah!” nakangiting sabi nito.
“Good morning din, manong! Sakto lang naman,” pabirong sagot niya.
Napatingin siya sa kaliwa niya nang may biglang tumabi. Si Kristen pala. Matamis na nginitian niya ito.
“Hoy, babae, ano ba talagang meron sa inyo ni Sir?” bulong nito.
“W-what?” nagmaang-maangang sabi niya rito.
“Sus, I saw you two kiss—” Hindi na nito iyon natapos dahil tinakpan na niya ang bibig nito.
Nakita ba sila nito kagabi? Bigla siyang pinamulahan ng mukha.
“Bunganga mo. Oo na, kung ano man ang nasa isip mo! Iyon na ’yon,” sabi na lang niya.
Natahimik naman ito nang pumasok na sa elevator dahil marami silang kasabayan. Panay naman ang sik
