CARSON
PANAY ang balikwas ko sa ibabaw nang mahabang sofa. Dala lamang siguro nang labis na pagod kaya nagawa kong matulog sa sofa noong isang gabi nang pumuslit ako sa loob ng opisina ni Connor. Ngunit ngayong may maayos na akong pahinga at kain ay tila hirap akong makatulog dito. Dumagdag pa ang mahaba kong tulog kanina matapos kong mag-shower kaya marahil hindi rin ako dalawin ng antok.
Nagpabaling-baling na ako sa kanan at kaliwa ngunit tila hindi ko talaga makuha ang komportableng puwesto ko. Sa huli ay padaskol akong bumangon at nakangusong sinilip ang silid ni Connor.
I don't what made him change his mind. Ang sabi niya ay hindi siya rito natutulog sa penthouse pero narito ito ngayon at nasa loob ng kaniyang silid. Lumingon ako sa malaking orasan na nakasabit sa pader. Mag-aala u
