“Grabe ka naman kiligin dyan, Bes! ‘Di ba dapat kagabi mo pa inilabas ‘yang kilig na nararamdaman mo at hindi ngayon? Ano ‘yan, late reaction?” natatawang wika ni Jaime kay Eufritz. Magkakasama sila ngayong magkakaibigan na nakaupo sa pang-apatang mesa na nasa loob ng cafeteria. Kasalukuyang lunch break nila ngayon.
“Hindi mo lang alam bes pero pilit kong pinipigilan ang kilig na nararamdaman ko kagabi dahil ayokong mahalata ako ni Nicollo na sobra ang kilig na nadarama ko dahil sa mga pinaggagagawa niya,” kinikilig na saad ni Eufritz. “Biruin mo, akala ko, nakalimutan na niya ang birthday ko kaya hindi siya nakarating sa celebration pero ‘yun pala, may surprise siya para sa akin,” nangingiting sabi pa niya na kilig na kilig pa rin sa tuwing maaalala ang mga nangyari kagabi. Nai-kwento na
