Naglalakad ngayon si Eufritz mag-isa sa hallway ng eskwelahan at siya’y patungo na sa classroom para pumasok na sa kanyang unang klase. Animo’y para itong kiti-kiti na kinikilig at abot-tenga ang ngiti sa labi. Patalon-talon pa ito ng kaunti habang naglalakad at halatang napakasaya niya talaga. Mabuti na lamang at nasa loob na ng classroom ang karamihan sa mga estudyante at wala nang masyadong estudyante ang nakatambay o ‘di kaya ay naglalakad sa hallway. Baka kasi kapag nakita nila si Eufritz na ganito ay aakalain nilang nababaliw na ang babaeng ito.
Masayang-masaya at kinikilig si Eufritz dahil nalaman lang naman niya mula sa driver at yaya nila kagabi na piniggy-back ride siya ni Nicollo dahil sa nakatulog siya. Grabe ang kilig na nararamdaman niya dahil sa nalaman at tuwang-tuwa siya
