FEW DAYS LATER
CLASSROOM
“Bakit parang hindi pa pumapasok ‘yung mga classmate natin at ‘yung iba naglalabasan pa? Anong meron?” Nagtatakang tanong ni Eufritz sa mga kaibigang sila Jaime, Andi at Sandra. Nakaupo ang mga ito sa kani-kanilang mga upuan na paikot ang pagkakaayos.
Napansin ni Eufritz na halos sila lang ang nasa loob ng classroom kasama ang mga kaklaseng nabibilang pa sa daliri kung iilan.
“Ewan. Wait at itatanong ko,” saad ni Jaime na kaagad tumayo mula sa kinauupuan.
Mabilis na lumapit si Jaime sa isang kaklase nila na papalabas na ng classroom. Hinawakan niya kaagad ito sa braso para mapigilan sa paglabas.
“Anong meron at bakit hindi pa nagsisipasukan ang mga kaklase natin dito sa loob? Saka bakit ka lalabas? Wala ba tayong klase?” Sunod-sunod na tanong ni Jaime sa baba
