Naglalakad ngayon si Nicollo sa kahabaan ng school hallway. Patungo ito sa kanyang huling klase sa araw na ito. Nakatingin lamang siya ng diretso sa kanyang nilalakaran.
Iniisip niya si Eufritz. Kung paano sila tuluyang magkakaayos ng asawa. So far, medyo nagiging okay naman na sila pero ang gusto niya ay mas maging okay pa sila.
Biglang sumagi sa isipan ni Nicollo si Kayla. Malalim siyang bumuntong-hininga.
‘Bakit ba kasi siya nandito? Sa dinami-rami ng schools sa Pilipinas, dito pa talaga niya naisipang pumasok,’ sa isip-isip ni Nicollo. Naiinis tuloy siya dahil isa si Kayla sa dahilan kung bakit hindi sila nagiging okay ni Eufritz.
Naisip ni Nicollo ‘yung mga sinabi ni Kayla sa kanya nu’ng unang magpakita ito sa kanya. Iyon ang iniisip niyang dahilan kung bakit nandito ngayon ang ex
