MASAMANG-MASAMA ang loob ni Piper. Hindi niya nga lubos maisip na isinumpa niya ang siraulong lalaking iyon. Hindi naman talaga siya ganoon magalit, ang totoo pa nga ay hindi siya marunong magalit ngunit dahil sa ginawa ni Liam ay tila napwersiya siya. Nagngangalit ang kaniyang palad, at hanggang ngayon ay hindi siya makapaniwalang minsan sa tanang buhay niya ay nakasakit siya ng ibang tao gamit ang kaniyang mga palad. Hindi niya maiwasang hindi makaramdam ng pagsisisi ngunit hindi niya naman nais balewalain ang galit na kaniyang nararamdaman. Hindi niya na nais pa itong makita kahit na kailan.
“Anak, hindi ka pa ba babangon? Mamaya ay nariyan na si Senyorito Dylan.”
Narinig niya ang ina mula sa labas ng mumunti niyang silid. Hanggang ngayon kasi ay nananatili siya sa kaniyang higaan gay
