“Halika.” Bigla akong hinatak ni Lexxie patayo. “Maglakad-lakad tayo.”
“Saan? Mamaya hanapin ako ni Uncle Hadley, eh.”
“Maaga pa naman kaya sigurado akong mamaya pa iyon gigising. Si Zeus nga tulog pa, eh. Ganoon talaga siguro kapag may edad na.”
“Dahan-dahan ka sa mga binibitiwan mong salita dahil baka marinig ka nila,” wika ko. “Alam mo naman na iba ang ugali ng mga lalaking iyon, eh.” Hinarap ko saglit si Lexxie. “Teka, alam na ba niya?”
“Hindi pa pero alam kong nagdududa na siya.”
“Ba't kasi hindi mo pa sabihin?”
“Saka na.”
Pumunta kami sa lugar kung saan kami nanggaling ni Uncle kagabi. Dito yata balak kumain ng almusal ni Lexxie ngayon.
“Kumuha na tayo ng plato, Kaycee.”
“Wala akong dalang pera, Lexxie,” bulong ko sa kaniya. Nakakahiya naman kung magpapalibre ako sa
