Kinabukasan ay hapon na akong nagising kaya naman dali-dali akong bumangon dahil baka kanina pa nagagalit si Uncle Hadley sa akin.
Hindi na ako iinom ulit dahil walang magandang dulot ang pag-inom ng alak kun'di sakit lang ng ulo at katawan.
Nang mapadaan ako sa kuwarto ni Uncle Hadley ay nakabukas iyon kaya pasimple akong sumilip sa loob.
Nang hindi ko makita sa loob si Uncle ay umalis na rin agad ako.
Pagdating ko sa sala ay wala rin siya roon at ganoon din sa kusina kaya iniisip ko na baka umalis sila ni Lydia.
Ako lang naman pala ang mag-isa rito sa bahay ngayon kaya naisipan ko na humiga na lang muna sa sofa.
Saka na lang siguro ako babangon kapag nagutom na ako.
Wala naman sila kaya wala naman akong aasikasuhin.
Halos kakapikit lang ng mga mata ko nang biglang bumukas a
