Kanina ko pa gustong matulog pero hindi naman ako dinadalaw ng antok.
Si Uncle naman ay hanggang ngayon ay nasa harapan pa ng computer niya at nagtatrabaho kahit madaling-araw na.
Gusto ko siyang sabihan na magpahinga na at matulog na kaya lang, ayaw ko muna siyang kausapin.
'Yong cellphone niya na inihagis niya kanina ay nagkalat pa rin sa sahig hanggang ngayon.
Nababaliw na talaga siya. Ewan ko ba kung ano'ng problema niya.
Bumili-bili ng cellphone tapos ibabato lang.
Sayang ang pera.
Sabagay, marami naman siyang pera kaya hindi niya pinapahalagahan ang mga bagay-bagay. Gusto ko sang walisin ang kalat niya kaya lang baka magalit siya sa akin dahil sa pakikialam ko kaya hinayaan ko na lang.
At dahil hindi ako makatulog ay naisipan kong lumabas na lang para makalanghap ng sar
