“Bakit parang galit yata si Señorito?” tanong sa akin ng matandang babae na nagbukas ng gate. “Ano po’ng nangyari?”
“Masama po yata ang pakiramdam ni Uncle,” sabi ko na lang dahil baka tanungin niya pa ako nang tanungin tungkol sa amo niya.
“Uncle?” takang tanong niya sa akin. “Ano'ng ibig mong sabihin, Hija? Uncle mo ba siya? Paano naman nangyari ‘yon?”
“Si Uncle Hadley po kasi ay kapatid ng ama ko," paliwanag ko sa matanda.
“Ano? Kailan pa? Paano nangyari ‘yon?” sunod-sunod niyang tanong na halatang naguguluhan.
“Ano po’ng ibig niyong sabihin?” pabalik kong tanong dahil naguluhan ako bigla sa mga tanong niya.
“Ang alam ko kasi ay nag-iisa lang na anak si Señorito ng mga magulang niya kaya nagtaka ako bigla sa sinabi mo. Thirty years na ako sa kanila kaya alam ko talaga na wala siy
