Magdamag kong binantayan si Uncle Hadley kaya halos wala akong tulog.
Ang lakas kasi ng ulan sa labas kaya hindi ko na inutusan si Zeus na bilhan si Uncle ng gamot.
Sa halip, pinunasan ko na lang ng basang bimpo ang buo niyang katawan para kahit papaano ay mabawasan ang init na nararamdaman niya.
“You don't need to watch over me,” nanghihina niyang sabi. “I told you, I can handle myself.”
“Ang taas ng lagnat mo kaya hindi kita puwedeng pabayaan,” wika ko. “‘Wag mo akong alalahanin dahil puwede naman akong matulog mamaya kapag inantok ako.” Sa tuwing gumagalaw kasi siya ay nagigising ako.
Natatakot ako kaya hindi ko magawang matulog. Matutulog lang siguro ako kapag alam ko na mababa na ang lagnat niya.
“Baby, can you get me some water, please?”
Halos tumalon ako pababa ng kama p
