❣︎ ARIZ ❣︎ (Present time)
"So ano nang plano?" tanong ni Julie nang makasakay na kami sa kotse ko. Nasa harapan pa rin kami ng Mandaluyong City Hall. Ito ang pinakamalapit na city hall, malapit sa shop ni Inang Rosario sa Divisoria.
"Puntahan natin ang tinutukoy na lupang nabili ng pamilya Santos."
Kaagad nila akong tiningnan.
"Sure ka?" tanong ni Cynthia na halatang nag-aalala. Tumango lang ako bago pinaandar ang kotse ko.
"Para ano pa, Ariz?" tanong naman ni Julie, "Iisa lang ang binigay na address n'ong nasa information desk sa restaurant na kinainan natin. Na sinabi mong nakita mo ulit si Jeffrill, pagkatapos no'ng araw na magkita kayo sa harapan ng convenience store."
"Hindi pa naman tayo sigurado kung may mansyon nga sa likod ng restaurant nila," pagrarason ko. Pero ang to
