SUMAPIT ang ika-anim ng buwan sa pagbubuntis ni Divlen at schedule niya para sa ultrasound. Nag-half-day siya sa trabaho dahil hapon ang schedule niya. Alas-dose ay sinundo siya ni Collin sa headquarters. Nag-ring ang phone ni Divlen at si Collin ang tumawag.
"Yes, Collz?"
"Nandito na ako sa labas," tugon nito sa kabilang linya.
"Okay, lalabas na ako."
"Mag-ingat ka sa paglalakad."
"Okay."
"Partner, mauna na ako," paalam niya kay Jester matapos nitong kanselahin ang pag-uusap nila ng asawa niya.
"Ihahatid na kita sa labas," alok nito.
"Huwag na, kaya ko na."
"Sige, pero mag-ingat ka."
"Oo, partner. Salamat!"
Hanggang sa nakalabas na si Divlen. Agad naman niyang nakita ang sasakyan ng asawa dahil nasa tapat mismo ito ng exit.
Dali-dali namang lumabas si Collin upang alalay
