Pagkatapos kumain ng tanghalian ay nanatili pa kami sa hapag habang nagkukuwentuhan sila tungkol sa business at iba pang mga bagay. Sa totoo lang ay gusto ko nang umalis kasi wala naman akong naia-ambag sa usapan nila pero nahihiya ako.
Atsaka baka kung ano na naman kasi ang isipin at masabi ni Dad. Siguro ay ganito na ako habang buhay, iyong lagi ko na lang inaalala ang mga masasabi ni Dad sa bawat kilos at galaw ko.
“Pero bro, honestly speaking, if there are some terms or clauses that you don’t like on the sample contract, just tell me. Ayoko naman kasi na magpirmahan tayo ng kontrata dahil lang sa magkaibigan tayo. I want it to be fair and square,” saad ni Kuya kaya marahang tumango si Elliot, pero ang tingin niya ay nasa akin at hindi ko alam kung bakit.
Naiilang ako sa tingin niya.
