Chapter 30
Zhannia
NAKAKASILAW na liwanag ang gumising sa akin. Hindi ko namalayan ang oras, at ang pagod ng mga nangyari kagabi na tila nilukob sa buong katawan ko.
"Alas diyes na!" sambit ko habang nanatiling nakaupo sa gilid ng kama, iniisip kung paano ko isasama si Khail pag–uwi sa Pilipinas. Panindigan ko na itong kamarteran ko. Tama si Dr. Wells, ilaban kung kaya pa baka magkaroon ng chances pero kung hindi talaga—it's time to let go.
Tumulo ang mga luha ko. Pakiramdam ko, sasabog na utak ko sa dami ng aking iniisip. Tumaas ang mga kamay ko at pinunasan ang mga luha ko.
Napatitig ako sa bag ko na nasa ibabaw ng bed side table. Naalala ko ang marriage contract namin ni Khail. Napabuntong–hininga ako habang kinuha ang papel sa loob ng bag.
Kailangan ko itong maipasa ngayon para m
