Chapter 11
Zhannia
NATAGPUAN ko ang sarili kong nakaupo sa natumbang puno ng niyog sa kabilang private resort, hinahayaang lumipas ang oras habang pilit kong pinapakalma ang aking isip.
Tahimik ang paligid, at tanging ang mahinang tunog ng alon ang naririnig ko. Hinayaan ko umagos ang mga luha, na para bang sa bawat patak ay nababawasan ang bigat na dinadala ko. Napasinghap ako sa gulat ng may humawak sa balikat ko. Dahan–dahan akong lumingon, kinokontrol ang takot at kaba sa dibdib ko.
Paglingon ko ay isang panyo ang sumalubong sa mga mata ko, marahang inabot sa akin. Saglit akong natigilan, nag–aalangan kung dapat ko bang tanggapin. Dahan–dahan akong tumingala nang makita ko ang pamilyar na mukha, hindi ko maiwasang magulat.
What he's doing here? "A—Adrian?" I asked, still in disbe
