Chapter 55 Part two
Zhannia
NAGPAHATID ako sa driver namin sa hospital. Pagdating ko sa ospital, nagpakawala ako ng malalim na hininga. Tila ibang-iba ang pakiramdam ko ngayon. Dati, napaka–familiar ng lugar na ito, parang pangalawang tahanan ko na.
Pero ngayon, parang may kirot sa bawat pag–apak ko sa sahig. Ilang segundo rin akong nakatayo sa lobby, inikot ang mga mata sa kabuoan ng ospital, hindi ko maiwasang tumulo ang mga luha ko. Alam kong oras na para lumisan at iwan ang masasakit na alaala.
Tumaas ang mga kamay ko at pasimpleng pinunasan ang mga luha ko bago pa may makakita sa akin. Ang bigat ng dibdib ko, grabe sa bigat. Mabilis akong humakbang patungo sa opisina, dala ang handbag ko, bago pa bumuhos ang luha ko.
Pero hindi ko kaya, mabilis akong nagtago sa likod ng pader at
