Chapter 15 Part 01
Zhannia
NILINGON ko si Khail, at nakita ko ang pagbabago ng kanyang ekspersyon niya—mula sa seryosong pagtingin kanina, ngayon ay pilit na ngumiti kay Tessa na tila ba hindi niya rin inaasahan ang presensiya ng kanyang girlfriend. Pero sa kabila nito nakita kong may kumikislap na hindi ko maipaliwanag sa kanyang mga mata.
"Hey, Tessa," bati ni Adrian sa kanya sa kaswal na tono. Ako naman, pilit kong kinakapa sa isip ko ang tamang salita para batiin siya, pero parang natuyo ang lalamunan ko.
Napansin ko ang pagtaas ng isang kilay nito at tumingin sa akin. "Long time no see, Yanna!" sabi niya, sabay yakap sa akin. Nang bumitiw siya, muling tumingin kay Khail, na para bang hinihintay ang reaksiyon niya. Ngunit nanatiling tahimik si Khail, napansin ko ang tinginan nila n
