Catherine
Pagkatapos naming dumalaw sa puntod ni Lola, bumalik agad kami sa farm para sabihan ang mga tauhan ko na kailangan nilang maghanda ng mga rosas para sa kukunin ni Dale.
"Meron naman tayong maibibigay?"tanong ko sa assistant ko.
"Opo Ma'am. Nakareserve po talaga 'yung isang greenhouse para sa Royal Fragrance."tumango ako.
"Mabuti naman, maaasahan talaga kita."saad ko sa assistant ko at ngumiti pa ako sa kanya.
"Ampon!"lumingon ako kay Kyle, kumunot ang noo ko dahil may dala na siyang knapsack kaya lumapit na ako sa kanya.
"Aalis ka na agad?"tanong ko pagkarating ko sa harap ni Kyle.
"Oo, kailangan kong maabutan 'yung flight namin papuntang Davao."napatango naman ako.
Pareho kaming naglakad ni Kyle palabas sa greenhouse pero napasulyap ako kay Dale na nakatingin sa amin. Ng
