KANINA PA nakatanga si Reese mula nang iwanan siya ni Misty sa kanyang table daw. Ang boss-bosan naman niya ay wala naman sinabi sa kanya maliban sa itinuro nito kung saan siya nito itatapon. Pasalamat ito at love niya ito.
Pasulyap-sulyap siya sa lalaking kasama niya sa silid na 'yun. Nag-e-enjoy siya sa pabago-bago ng ekspresyon ng mukha nito. May time nakakunot ang noo nito tapos ay biglang magsasalubong ang mga kilay nito. Pero hindi pa rin maikakaila ang kagwapuhang taglay ng isang Hycent Henry Bustamante.
Bigla niyang binawi ang tingin nang bigla itong tumingin sa gawi niya. Kunwari ay inabala niya ang sarili sa kanyang laptop kahit wala naman siya talagang ginagawa. Naramdaman niya ang matiim nitong titig sa kanya.
Para tuloy siyang biglang nauhaw. Pakiramdam niya ang tuyong-tu
