Kinagabihan ay kinausap niya si Patrick, sinabi na niya na kalimutan nalang nito ang tungkol sa kanya. Ayaw niyang ipasa sa iba ang mga kapalpakan niya, alam niyang di solusyon ang pagdamay sa iba sa kanyang masalimuot na sitwasyon. Magsisilbi nalang na aral para sa kanya ang kanyang sinapit lalo na sa kanyang mga kapatid na babae. Marahil ay malas lang talaga silang lahat pagdating sa love life kaya di na niya papangarapin pa ang magkaroon nun.
Tama na ang isang pagkakamali, nagkamali siya ng pagkilala sa lalaking mamahalin. Mahina talaga siya sa pagkilala sa mga ugali ng tao, mabilis siyang nauto at nabulagan.
Nakikita naman niya na iba si Patrick sa mga lalaki na kilala niya. Kiel is one of them too. Nakikita niyang malayong malayo ang ugali ng lalaki sa ugali na meron ang kanilang
