Matamlay siyang nakauwe ng kanilang bahay. Tila bumagsak ang mundo niya sa kaisipang di na babalik pa ang lalaki, di naman niya ito masisisi. Tiyak niyang nakarating na din sa kaalaman ng lalaki ang kanyang ginawang desisyon sa kaso. Kaya di niya na ito masisisi sa naging pasya nito na lumayo ng di nagpapaalam sa kanya.
Pero agad niyang natanto na wala pala silang relasyon para magpaalam sa kanya ang lalaki. Dahil sa simula palang ay wala na silang napagkasundoan na anumang relasyon o ugnayan. Sadyang nag assume lang siya sa mga naganap sa pagitan nilang dalawa.
"Tahimik ka yata simula ng dumating ka kanina?" Untag ng Mama niya na naupo sa kanugnog na bahagi ng kanyang kinauupoan. Medyo basa ang sahig dahil na din sa kalumaan ng bahay at maraming mga tulo. Pinalalagyan lang ng Mama nil
