Hindi mapigilan ni Clara ang lumuha habang pinagmamasdan ang picture na ibinigay sa kaniya ni Bernard. Napulot daw iyon ni Aarah noong nasa poder ito ni Tio Jose. At ang picture na iyon ay walang iba kundi ang nanay niya at noong baby pa siya.
Sa kabila ng hindi magagandang salitang sinabi sa kaniya ni Lady Bat noong nagkaharap sila, hindi mapigilan ni Clara ang umasa na totoong minahal siya ng ina. Patunay ang pagtabi nito ng picture nila. Baka totoo na gusto lang nitong ilayo si Clara sa magulong mundo kaya siya nito iniwan. At siguro rin ay hindi pa nito kayang humarap sa kaniya bilang ina, kaya tumanggi itong humarap sa kaniya nang puntahan niya ito sa ospital.
Oo, nakaligtas si Lady Bat. Sinadya raw itong hindi puruhan ni Reuben nang malamang ina ito ni Clara. At ngayon ay nasa pang
