Nang malapit na sila sa isla, gamit ulit ang telescope, ay nakita ni Bernard na bumagsak na ang dalawang helicopter ni Felix. Tama nga ang hinala ni Bernard na mga Interpol ang nakalaban ni Felix sa himpapawid. Pero nasisiguro ni Bernard na hindi ito grupo nina Gonzales.
At sigurado rin si Bernard na ang grupo ng mga ito ang siyang natatanaw niyang dahan-dahang umaahon sa tubig, na nakasuot ng mga pang-scuba diving gear. Nakikita ni Bernard na umahon mula sa tagong parte ng isla ang ang nasisiguro niyang grupo nina Gonzales. At hindi nga siya nagkamali dahil kaagad niyang nakilala sina Gonzales at Reuben na naunang maghubad ng diving gear.
Nakahinga nang maluwag si Bernard. Kahit papaano ay napanatag siya para sa kaligtasan nina Clara at Aarah.
"Nasa isla na ang grupo nina Gonzales," ma
