"Bakit hindi nalaman ng mga tagarito ang nangyari? Na ang Papa at Ate ang gumawa niyon? Bakit hindi ko nalaman?" tanong niya sa mahinang tinig.
"Nakasulat kasi iyon sa kasunduang pinirmahan nila para maiwasan ang kahihiyan. Ang negosyo n'yo rin kasi ang ipinantaya ng papa mo." Umismid ito. "Pero duda ako roon dahil sa simula pa lamang ay balak na ng papa mo na mandaya. Planadung-planado nila ng ate mo ang ginawang panloloko sa matanda." Umiling- iling ito, halos pinuhin na ang hinihiwa naman ngayong kamatis. "Mga sakim! Mga walanghiya!"
Napayuko siya. "Kung nalaman ko lang agad ang tungkol dito, hindi na ako magbabalik kahit kailan dito, Aling Ester. Magtatago na ako kay Hendrick."
Hinawakan nito ang kamay niya. "Nauunawaan ko ang nararamdaman mo. Hindi ko na sana ikukuwento pa sa 'yo a
