Mukhang nag-aalangan pang magpaiwan si Mauve sa beauty parlor ng magpaalam si Hendrick.
“Ihahatid ko muna si Chin-chin sa bahay para makatulog siya ng maayos. Mahaba pa naman ang oras, then I'll come back. Don't worry, akong bahala sa bill.”
“Pero di ba’t kailangan ng appointment —”
“I've already made one for you. I want you to be absolutely beautiful this evening.”
“All for the glory of Hendrick Lucencio?” sarkastiko niyang wika.
Inignora nito iyon. “Magpamasahe kna rin.” Sa halip ay wika nito. “Baba ka na bago pa makahalata si Chin-chin.”
Napilitan siyang bumaba ng sasakyan. Nagdadabog na nagtuloy siya sa air-conditioned na salon. Pagkapasok, matapos niyang magpakilala ay agad siyang nilapitan ng tatlong tao roon. Inihanda ang pang-facial, manicure and pedicure at hot oil para sa k
