"HAPPY BIRTHDAY, pinsan na best friend. Major Artemeo Dos Aguillar." Masayang salubong ni Patricia Faye sa pinsang halatang under shocked.
Well, sila lang naman ang maagang nanggulo sa Camp Panacan. Dahil mukhang kasabay nang pag-eenjoy ng binata sa trabaho ay nakalimutan na nito ang kapanganakan. Kaya't silang nasa Luzon ang gumawa ng hakbang.
"Ha? Gusto ninyong magtungo sa Davao? Aba'y ano na naman ang binabalak ninyong magpinsan, anak?" maang na tanong ni JC sa panganay na anak.
"Ilang araw mula ngayon ay kaarawan na ni bunso, Daddy. Ngunit kahit magpustahan tayo ay kakalimutan na naman niya ang bagay na iyan. Ayon kay pinsan Benedict ay mas malakas na raw ang kapatid kong iyon kaysa kalabaw. Ibig sabihin ay pumapasok na sa trabaho," paliwanag nito.
Magsasalita pa nga sana siya upan
