PINILIT si Matt ng inang si Mrs. Aurora de Avila na sa mansyon pagkagaling nila sa condo unit ni Diana. Gusto man niyang tumanggi, hindi na siya nakapalag pa nang hilahin siya ng ina papasok sa loob ng mansyon.
“We need to talk about your wedding,” excited na sambit ng kaniyang ina habang nakaangkla sa braso niya habang ang daddy naman niya ay nakasunod sa likuran nila.
Kaagad na nanlaki ang mga mata ni Manang Siony na siyang nagbukas ng malaking front door sa kanila.
“Pumayag ka na, hijo?” gulantang na tanong nito na sumunod pa talaga sa kanila na para bang litong-lito.
Tumigil sa paglalakad ang mommy niya saka siya nito hinarap at nakakunot-noo siyang tinanong.
“Do you plan of ditching Diana?” Nabasa niya ang galit sa mata ng kaniyang ina. Aside for the fact that his mother loves D
